Os goles da galega Lucía Pardo e da súa compañeira en La Roja Ane Elexpuru deron a vitoria á Selección Española Sub-23 no seu amigable ante Bélgica por 1-2. O partido xogouse no estadio de Genk.
A selección belga adiantouse no marcador, grazas ao tanto anotado pola dianteira do Brujas, Davinia Vanmechelen, que bateu á gardameta española. A pesar deste tanto, as xogadoras que prepara Kenio Gonzalo souberon seguir firmes en defensa e manter o xogo tratando de buscar o tanto da igualdade no marcador.
Gol de Lucía Pardo no final da primeira metade
Para iso, aos poucos foron sacando os seus mellores ‘armas’ e conseguiron estirar as liñas para encerrar ao equipo belga e que tivese menos opcións de xogar o balón. O empate chegou pouco antes do descanso, máis concretamente no minuto 42, por mediación da futbolista galega Lucía Pardo que marcou diante de Lisa Lichtfus abrindo a lata para España.
Na segunda parte, houbo ocasións para os dous equipos que trataron de romper a defensa do contrario e buscar desfacer o empate. Ao final foi a selección española quen o conseguiu grazas ao gol de Ane Elexpuru que saltara ao terreo de xogo uns minutos antes, segundo informa a RFEF.
FICHA TÉCNICA
1) BÉLGICA: Lisa Lichtfus, Sarah Wunants, Zenia Mertens, Lyndsey Van Belle, Shari Van Belle, Lisa Petry, Luna Vanzeir (Velma Fon, m.69), Davinis Vanmechelen, Marie Minnaert, Jarne Teulings (Imani Prez, m.82) e Constance Brackman
2) ESPAÑA: Adriana Naclares (Elene Lete, m.45), Sonia García (Silvia Lloris, m.78), Oihane Valdezate, Aida Esteve (Lorena Navarro, m.78), Maria Llompart (Mirari Uria, m.78), Lucia Pardo (Ane Elexpuru, m.59), Lucia Ma Rodríguez (Nerea Nevado, m.59), Itziar Pinillos (Paula Tomás, m.69), Paula Arana (Ana Marcos, m.59), Paula Fernández (Ariadna Mingueza, m.45) e Ascensión Martínez (Celia Marcos, m.69)
GOLES: 1 – 0, m.37: Davinia VanMechelen. 1 – 1, m.42: Lucía Pardo. 1 – 2, m.65: Ane Elexpuru
INCIDENCIAS: Partido internacional amigable xogado no Estadio KRC Genk.