Volve a Liga Feminina 2. Estivo de parón polo Nadal e tanto Celta, como Arxil, Cortegada e Baxi estiveron de vacacións. Algúns volveron antes do previsto. O Celta xogou o memorial de Paco Araújo contra o Ensino e o Arxil a 25ª edición da Cidade de Pontevedra contra o Carmelitas.
Este fin de semana, terá lugar a última xornada da primeira volta. Na 13, o Celta, o Cortegada e o Baxi xogan nas súas canchas. Só se despraza o Arxil ata a capital madrileña, concretamente no municipio de Leganés.
O Celta enfróntase o pechacancelas
As xogadoras de Cristina Cantero, este fin de semana (o 11 de xaneiro, ás 18.30 horas), volverán a pisar a pista de Navia. Xa o fixeron no IV memorial pola falecemento do seu presidente Paco Araújo no 2016. A pesar das boa saída que tiveron, perderon ante o equipo galego da Liga Endesa, o Ensino. Pero non foi unha mala experiencia xa que estiveron moi igualadas e souperon plantarlles cara.
Reciben o Aedas Homes CB Pozuelo UFV. Son as últimas, no posto 14ª da Liga. Levan en doce partidos, doce derrotas. Á última contra o conxunto que visita o Arxil, o Laboratorios Ynsadiet Leganés por un 45 a 59. As celestes están en mellor posición.
O Celta é sétimo. Suman sete vitorias e cinco derrotas o que se traduce en 19 puntos. Veñen de gañar en Avilés. Contra o Agrupación Deportiva Baloncesto de Avilés por 69 a 77.
DATOS DE INTERESE
ÁRBITROS: Pedro Coladas Lois, Julio César Alonso Díez.
CAMPO: Pavillón de Navia – Vigo (Pontevedra).
O Arxil viaxa a Leganés
Arxil e Leganés veranse as caras no pavillón Europa de Leganés. As xogadoras de Maite Méndez afrontan un novo compromiso o sábado 11 de xaneiro, ás 19.00 horas. Para este partido a adestradora recupera a Violeta Crespo.
Madrileñas e pontevedresas chegan dispares na clasificación. As de Leganés son sextas con oito vitorias e catro derrotas. Fronte as tres vitorias e derrotas na duodécima posición das verdes.
Neste último caso a vitoria tendría un valor moi importante para concluir a primeira volta do campionato. Distanciaríanse dos postos de descenso e romperían coa racha negativa de seis encontros seguidos perdendo.
Maite Méndez indicou en rolda de prensa: “Sempre queda mal corpo tras unha derrota, pero debemos pasar páxina e pensar na seguinte que non vai a ser doado.”
DATOS DE INTERESE
ÁRBITROS: Carlos Grande Cláver e Carlos Sanz Torres.
CAMPO: Pavillón de Europa – Leganés (Madrid).
O Cortegada recibe ao líder da Liga Feminina 2
O pavillón de Fontecarmoa acolle este fin de semana (o sábado 11 de xaneiro, ás 19.30 horas) o líder da competición, o Movistar Estudiantes. As de Vilargarcía chegan cunha vitoria, a última do ano, ante o Arxil, no duelo galego disputado no CGTD.
As madrileñas suman once vitorias e tan só unha derrota. Esta foi contra o Celta que impuxéronse en Navia por un electrónico de 67 a 62. Polo tanto, levan dez partidos sen perder no que vai de Liga.
As xogadoras do AD Cortegada son undécimas. Están por riba do Arxil. Teñen catro vitorias e oito derrotas. Polo cal suma 16 puntos.
DATOS DE INTERESE
ÁRBITROS: Martín Trasancos Blanco e Iris Martin Díaz.
CAMPO: Pavillón Municipal de Fontecarmoa 1 – Vilagarcía de Arousa (Pontevedra).
O Baxi Ferrol xoga contra o Añares Rioja na Malata
A Malata volve a desfrutar do seu equipo. O Baxi Ferrol, no último partido da primeira volta enfróntase o Añares Rioja o domingo (12 de xaneiro, ás 12.00 horas).
A pesar de non proclamarse campioas de inverno antes de acabar o ano, as xogadoras de Lino López non fixeron unha mala primeira volta. Os postos de play offs están moi cerca para as ferrolás. Son terceiras na táboa sumanda 20 puntos grazas ás oito vitorias e catro derrotas.
O rival, sen embargo, está por debaixo das da cidade naval. Son oitavas con cinco partidos gañados e sete perdidos. A única igualdade que teñen con o conxunto local é que ambos levan dous partidos sen gañar. O Baxi Ferrol perderon contra o Patatas Hijolusa e o Rioja contra o Pacisas Alcobendas.
DATOS DE INTERESE
ÁRBITROS: Ivan Escariz Torres e Daniel López Illán.
CAMPO: Pavillón de A Malata – Ferrol (A Coruña)
