O pavillón de Navia acolleu a IV edición polo memorial de Paco Araújo. O presidente do conxunto vigués falecido no 2016 era así homenaxado un ano máis seguramente do mellor xeito posible: cun partido de baloncesto feminino galego.
O encontro disputábase entre dous equipos de distinta categoría. As locais da Liga Feminina 2, Celta Zorka Recalvi, recibían o equipo da Liga Endesa, o Durán Maquinaria Ensino. O triunfo escapóuselles ás anfritrionas e marcou cara a terras de Lugo (60-73).
O público asistente o partido gozou dun espectáculo deportivo no que ambos os dous conxuntos ofreceron un baloncesto moi vibrante sobre o parqué. Era o primeiro partido en 2020 para as locais. Sen embargo, para as da cidade da muralla era o seu segundo en 48 horas. Non foi iso excusa e remataron por levar o triunfo. Entre as singularidades do encontro estivo que o Durán Maquinaria Ensino salgou o terreo de xogo cunha nova equipación de cor rosa.
As celestes entraron mellor o encontro. Nos tres primeiros minutos endosaron un parcial de 9 a 2. Isto fixo que Carlos Cantero pedira un tempo morto para ordenar ao seu equipo. Nestes minutos produciuse a volta as canchas da celesta Ángela Coello. Foron uns minutos moi ilusionantes para o equipo de Vigo. Dominaron nas accións ofensivas e defenderon correctamente para chegar por diante no primeiro cuarto (18-9).
No segundo tempo, o Duran Maquinaria atopou o seu xogo. Da man de Bea Sánchez e apoiada polo poderoso xogo interior recortaron distancia. . Houbo duelos na pista, como o de Ainhoa López e Celia García que xogaron xuntas no Quesos El Pastor. No lado vigués o de Tamara Montero con pasado en Ensino desde o 2012 ata o 2017. Ela mesma mantiña as olívicas por diante coas súas penetracións a canastra no descanso (34-28).
O descanso desconcentrou as celestes no memorial
O paso polos vestiarios destabilizou as locais. As pérdidas comezaron a facer mella no seu xogo. Se na primeira metade só acumularon tres, na segunda ata catorce. Concederon contraataques fáciles as visitantes para darlle un 0 a 9 no electrónico e darlle a volta (37-39). A variedade de recursos lucenses proporcionoulles alternativas e tanto desde o exterior como no interior procedía a súa produción ofensiva (43-51).
A sorte xa estaba botada a pesar dos intentos de Tamara Montero e Breanna Richardson. O intercambio de canastras serviu para que as de Carlos Cantero mantivesen as distancias. Alongadas a raíz das pérdidas celestes que provocaban de novo os puntos sinxelos. Nos últimos cinco minutos, as lucenses entraron cunha distancia de seguridade suficiente (50-61). Os seis puntos finais de Anne Senosiain apenas serviron para maquillar o resultado final.
Este partido foi unha reflexión para o Celta. Deben aprender que se logran manter a intensidade e a concentración nos 40 minutos de xogo poden estar a altura de grandes equipos. O sábado 11 de xaneiro, ás 18.30 horas, no pavillón de Navia terán unha nova oportunidade de lograr esa estabilidade. Reciben o CB Pozuelo. O pechacancelas da Liga Feminina 2.
Por parte do Ensino, as xogadoras lucenses viaxaran este fin de semana. Xogan en Zamora (o día 11 de xaneiro, ás 18.00 horas) contra o Quesos El Pastor. As zamoranas son décimo terceiras na Liga Endesa. As de Lugo son oitavas e están clasificadas para a Copa da Raíña. Competición que se disputará do 5 a 8 de marzo na cidade de Salamanca.
FICHA TÉCNICA
CELTA ZORKA RECALVI: Anne Senosiain, Ainhoa Lacorzana, Celia García, Breanna Richardson, Elo Edeeferioka —quinteto inicial—, Itziar Germán, Tamara Montero, María Barneda e Angela Coello.
DURÁN MAQUINARIA ENSINO: Aleksandra Stanacev, Ainhoa López, Laura Aliaga, Bea Sánchez, Britanny Miller —quinteto inicial—, Atonye Nyingifa, Sheeresha Richards, Fiona O’Dwyer e Maite Franco.
ÁRBITROS: Paula Lema, Adrián Iglesias e Laura Piñeiro.
PARCIAIS: 18-9, 16-19, 9-23, 17-22 (60-73).
INCIDENCIAS: Cuarta edición do Memorial Paco Araújo destinado a recordar a figura do presidente falecido en 2016. O partido disputouse no pavillón de Navia ante 300 espectadores. Ao principio gardouse un minuto de silencio na súa memoria.
