Esta fin de semana, Lía (Rosalía Muíño González) sumouse ao club das centenarias do Dépor ABANCA. A futbolista coruñesa cumplía nesta xornada 20.ª da Primera Federación o seu partido 100 defendendo as cores deportivistas.
Ao final do encontro as súas compañeiras fixéronlle un pasillo e ao final del agardáballe unha camisola do RC Deportivo ABANCA co dorsal 100 nas costas.
Cinco son as futbolistas que integran ese quinteto de centenarias deportivistas:
- Cris Martínez 196
- Gaby 117
- Iris 107
- Peke 106
- Lía 100
Tere Abelleira, con 92, quedou ás portas de ser centenaria branquiazul.
A centrocampista galega Lía Muíño ten xogado en diferentes etapas no Dépor ABANCA. Formou parte do primeiro equipo das Nosas na tempada 2016 cando as branquiazuis xogaban no Ponte dos Brozos (Arteixo), de feito estivo no encontro debut ante o Oviedo Moderno CF. Mantívose no club as tres primeiras tempadas. Fixo parte do equipo que ascendía á elite no partido contra do CD Femarguín, o 19 de maio de 2019 na localidade grancanaria de Arguineguín.
Lía formouse na canteira do Victoria CF, coñecidas na cidade herculina e no futfem galego como As Cebras, e xogou tamén ao fútbol sala co Viaxes Amarelle FSF.
Benvida ao exclusivo club dos 💯 partidos oficiais co #DéporABANCA!
✌️ Parabéns, Lía!
1️⃣9️⃣6️⃣ Cris Martínez
1️⃣1️⃣7️⃣ Gaby
1️⃣0️⃣7️⃣ Iris
1️⃣0️⃣6️⃣ Peke
1️⃣0️⃣0️⃣ Lía#ASNOSAS escriben #ANOSAHISTORIA pic.twitter.com/keLGQAvXo3— Dépor ABANCA (@RCDeportivoFem) March 10, 2024
Etapa de Lía Muiño en USA
A futbolista marchou do Dépor ABANCA debido a que foi estudiar a Estados Unidos. Aí defendeu a camiseta do equipo da University South Florida Bulls. De USA regresou ao comezo da campaña 2020-21 durante a pandemia de COVID-19. Regresou a Estados Unidos e volveu en maio para disputar as últimas xornadas da campaña 2020-21 en Primera Iberdrola. O seu regreso definitivo ao cadro deportivista prodúxose inicio da liga 2023-24.
Gaby un encontro do Dépor ABANCA co Sevilla en Abegondo / SABELA MOSCOSO
Iris Arnaiz cumpre 100 partidos en competición estatal como deportivista / RCD
Peke, centenaria ao cumplir 100 oficiais co Dépor ABANCA / RCD
Lía fai 100 partidos como futbolista do Dépor ABANCA / SABELA MOSCOSO
