Cada ano, co gallo do Día das Letras Galegas, no Concello de Culleredo o conxunto local de balonmán organiza unha cita na que se xunta boa parte do balonmán feminino da provincia da Coruña. Este ano, unha vez máis o 17 de maio o Pavillón de Tarrío foi unha auténtica festa do deporte.
Desde o club organizador, o Balonmán Culleredo, destacaban, logo de anos organizando esta cita que “o moito que está a medrar o balonmán feminino”.
Púñase en valor desde o Balonmán Culleredo, que máis aló dos resultados, o Día das Letras Galegas serve ano tras ano para “compartir unha tarde de convivencia e competición estupenda gracias á colaboración de clubs que están apostando polo balonmán feminino na provincia: Bm Brigantium, Bm Xallas, EM Abegondo e Atlántico Bm”.
🤾♀️ Noraboa Balonmán Culleredo pola organización hoxe do Torneo de Balonmán Feminino das #LetrasGalegas no polideportivo municipal de Tarrío 🙌
🔍Coa participación, ademais do clube cullerdense, da EM Balonmán Abegondo, do BM Brigantium, do BM Xallas e do Atlántico BM. pic.twitter.com/t3LWkgemRz
— Concello Culleredo (@ConcCulleredo) May 17, 2022
A organización da cita agradecía o apoio aos patrocinadores “que están a apostar polos nosos equipos femininos: Baia Edicións, Cristalería Gestal, Canosa Abogacía, Fisioterapia Benestar e Rafergal”, asegurando que, sen eles o torneo “non sería posible”. Unha parte importante dese apoio chega do propio Concello de Culleredo ao que tamén se lle agradecía o apoio desde a organización.