Primeiro reto conseguido. As Leonas da Selección Española de rugby, coa coruñesa Mona Castelo nas súas filas, venceron o primeiro dos tres partidos que disputan en Parma no clasificatorio europeo para o vindeiro Mundial. As españolas gañaron por un axustado 8-7 a Irlanda, estando un paso máis preto de Nova Zelanda.
Neste encontro, a galega Mona Castelo, xogadora do CRAT Residencia Rialta, foi parte do XV titular de José Antonio Barrio ‘Yunque’. Ao longo do partido, as vermellas foron por detrás das irlandesas, pero evitando que se foran no marcador, para finalmente facerse coa vitoria cun ensaio da debutante Lea Ducher.
Triunfo importante para as Leonas e Mona Castelo
Nos primeiros minutos as Leonas fixéronse co control do xogo anotando os primeiros puntos grazas a Patricia García. Pero a selección do Trébol non se quedaba atrás, polo que comezou a encadear varios balóns prometedores nos últimos metros do campo para facer o 3-7.
A igualdade era máxima no campo italiano, e tras o descanso ambos equipos continuaron moi enchufados. A defensa en zona 22 dos dous conxuntos impedía que o marcador se alterara. No tramo final, as Leonas seguiron empurrando para facerse coa vitoria e esta chegou nos últimos minutos.
Anne Fernández sacou un golpe de castigo rápido cun balón que remataría en mans de Lea Ducher. A debutante non dubidou e anotou para darlle o triunfo ás españolas.
Vive aquí o resumen do partido entre as Leonas e Irlanda.
Á fin deste campionato, o primeiro clasificado obtendrá a praza directa para a Rugby World Cup. O segundo deberá ir á repesca, onde os combinados europeos adoitan a ser os favoritos. O seguinte partido das Leonas e Mona Castelo será o domingo, 19 de setembro ás 18:00 horas, contra Escocia. O torneo finalizará ante as anfitrionas, cun Italia – España o 25 de setembro ás 15:00 horas.
