Julia Benedetti arrasou no seu debut no Dew Tour de Iowa. A skater galega tivo que agardar para estrearse na pista estadounidense, xa que a choiva impediu que o mércores comezara a competición. Así, o xoves a rider puido xa demostrar o seu talento, que lle deu o pase ás semifinais.
Esta é a última oportunidade para a coruñesa de certificar a súa presenza nos Xogos Olímpicos de Toquio 2021. A competición de Iowa é a derradeira clasificatoria en modalidade park para o gran evento do verán.
Na súa primeira participación, Benedetti, embaixador Cabreiroá, clasificouse na primeira rolda para as semifinais, e ten pé e medio na praza olímpica. A deportista, de tan só 17 anos, é a española mellor clasificada en categoría masculina e feminina, e partiu como a decimoquinta a nivel mundial.
De lograr o billete a Toquio, a skater galega faría historia, xa que é a primeira vez que este deporte ten cabida nos Xogos Olímpicos.
Velaí o exercicio de Julia Benedetti na competición do Dew Tour de Iowa.
🎥 Está foi a actuación de @BenedettiPodium na súa primeira quenda no @DewTour
📺 @DewTourLive pic.twitter.com/rCTB1GcOsH— A Coruña Deportes (@coruna_deportes) May 20, 2021
