O fútbol estatal recoñece o traballo da técnica deportivista Irene Ferreras no pasado curso cun premio que a distingue como a mellor no seu rol na categoría de prata do futfem español.
Irene Ferreras foi galardoada polo Comité de Adestradores da RFEF como mellor adestradora da temporada 2022-23 en Primera Federación Iberdrola. Trátase dos Premios Ramón Cobo. Nesta 10ª edición dos galardóns tamén se premiou a Julio Delgado (Pescados Rubén Burela FS) como mellor adestrador na Primera División FSF.
Na lista de profesionais premiados, unicamente figuraban dúas mulleres: Iraia Iturregi, adestradora do Athletic Club, que foi recoñecida como a mellor na Primera División Femenina, e a preparador deportivista.
A preparadora do Dépor ABANCA, que estivo acompañada polo Conselleiro do club herculino Carlos Ballesta nun acto celebrado na Ciudad del Fútbol de Las Rozas (Madrid), compartiu premio con Jagoba Arrasate (CA Osasuna), Paco López ( Granada CF), Cristóbal Parralo (Racing de Ferrol) ou Haritz Mújika (SD Amorebieta), entre outros.
O Comité de Adestradores subliña neste recoñecemento “os resultados deportivos unidos á exemplaridade como adestradora no seu comportamento, o respecto e o espírito de deportividade”, segundo apunta o propio organismo federativo sobre Irene Ferreras.
A traxectoria de Irene Ferreras
Irene Ferreras chegou ao Dépor ABANCA a temporada pasada. Baixo a súa dirección As Nosas deportivistas quedaron en dous ocasións a un gol de lograr o ascenso á liga F. Esta campaña 2023-24, con 5 vitorias en 6 partidos, o Dépor ABANCA é líder en solitario da categoría.
A súa traxectoria profesional levouna ademais polos bancos do Olímpico de Moratalaz, La Solana FF, Rayo Vallecano, Valencia CF e Real Madrid, neste caso como segunda adestradora.
Tal e como lembran desde o RC Deportivo, na súa Fuenlabrada natal o campo municipal de fútbol leva o seu nome desde o pasado 2020. “Hai que facer bandeira da cidade e iso só fano referentes deportivos como Irene Ferreras“, declarou o día da súa homenaxe o alcalde de Fuenlabrada, Javier Ayala.
Lista de 16 adestradores galardoados na 10ª edición dos Premios Ramón Cobo:
- Primera División Jagoba Arrasate (CA Osasuna)
- Segunda División Paco López (Granada CF)
- Primera Federación G-I Cristóbal Parralo (Racing Club de Ferrol)
- Primera Federación G-II Haritz Mujika (SD Amorebieta)
- Segunda Federación G-I Emilio Cañedo (Real Avilés)
- Segunda Federación G-II Javi Moreno (SD Tarazona)
- Segunda Federación G-III Víctor Bravo (CD Teruel)
- Segunda Federación G-IV Abel Segovia (Antequera CF)
- Segunda Federación G-V Luis García Tevenet (Atlético de Madrid B)
- Primera División Femenina Iraia Iturregi (Athletic Club)
- Primera Federación Femenina Irene Ferreras (RC Deportivo)
- 1ª División Futsal Masculina Antonio Vadillo (Mallorca Palma Futsal)
- 2ª División Futsal Masculina Santi Valladares (Peñíscola FS)
- 1ª Federación Futsal Femenina Julio Delgado (Pescados Rubén Burela FS)
- 1ª División Nacional Masculina Fútbol Playa Fali Millán (Recreativo Huelva)
- 1ª División Nacional Femenina Fútbol Playa Sidi Omar (CD Higicontrol)
