Dous mazazos no comezo e no final do encontro deixaron ao Friol sen posibilidades de sumar no Álvarez Rabanal. As galegas presentáronse en Oviedo con ganas de recuperar a senda da vitoria, tras catro partido sen gañar, pero non foi posible.
Aos cinco minutos da partido, as de Geluco Villar xa caían por 1-0 tras un erro defensivo no que a zaga galega non foi quen de despexar o esférico e Marina, a dianteira local, batía por debaixo a Victoria no man a man. “O primeiro gol xa nos fixo moito dano”, comentaba Geluco tras o mal comezo de partido das nosas lucenses.
Geluco Villar, adestrador do Friol: “Non conseguimos enlazar xogadas continuas, custounos moito. Elas presionaron moi ben con tres xogadoras arriba e nós non estivemos cómodas”.
As galegas non estiveron cómodas no partido xa que non conseguían enlazar xogadas nin triangulacións. O Oviedo Moderno estivo moi ben plantado sobre o campo e facía unhas basculacións moi traballadas. Ademais, presionaron con tres xogadoras a saída de balón do Friol. e iso dificultou moito as cousas.
Cando mellor estaban xogando as pupilas de Villar, o colexiado decretou o final da primeira metade. Unha mágoa porque por intres deu a sensación de que podía chegar o empate no Álvarez Rabanal.
Tras a reanudación, o Friol seguí tentando ir a polo empate pero sen acerto e sen ocasión claras. Cando o partido entraba na recta final, Geluco decidiu mover o banco en busca do empate e dau entrada a xogadoras importantes pero que estaban entre algodóns. “Dimos entrada a Lucía Pardo e Mushu ao final do partido para buscar ese salto de calidade que nos dera o empate, pero non foi así”, comentaba o adestrador galego.
Geluco Villar, adestrador do Friol: “Encaixamos dous goles ao final cando arriscamos máis e fomos a polo partido cos trotos e cunha presión máis alta”.
“Encaixamos dous goles ao final cando arriscamos máis e fomos a polo partido cos trotos e cunha presión máis alta”, foron as verbas de Geluco Villar tras encaixar os goles de Marina no 80′ de cabeza tras un descoido defensivo e Carlota nun remate dun centro lateral tan só dous minutos despois cando o Friol volcouse en ataque e deixou máis espazo ás costas.
⏱️80'⚽⚽ GOOOOOOOOOOOOL ⚽⚽ del #ROF , gol de MARINAAAAAAAAAAA‼️
▶La más lista de la clase gran gol de @Marinaml15 para aumentar distancias#ROFvsFRIOL (2-0)#VamosROF💪💙 pic.twitter.com/1AhaWxUFEo— Real Oviedo Femenino (@RealOviedoFem) February 2, 2020
Geluco Villar, adestrador do Friol: “O positivo do partido foi que non houbo máis lesións e que estamos a recuperar a xogadoras. Agora temos que pensar en sacar un bo resultado ante o Atlético de Madrid na nosa casa”.
As galegas, con esta derrota, sitúanse no 14º posto da táboa, tres puntos por riba do Pozuelo que marca a liña do descenso. As lucenses fixan a mirada na seguinte xornada que recibe ao Atlético de Madrid na Reigosa o sábado ás 16:30.
