- En materia de saúde a consigna é seguir escrupulosamente as indicacións das autoridades e colaborar en todo o posible na prevención e nos esforzos por frenar a propagación do Coronavirus.
- No apartado económico a RFEF garantiza ao presidente da RFGF que todas as axudas comprometidas para esta tempada 19-20 chegarán aos clubs.
- Dependendo da data de finalización da actual tempada podería verse adaptado o modelo competicional da campaña 20-21.
A Real Federación Galega de Fútbol respalda os acordos adoptados polo presidente da Real Federación Española de Fútbol, Luis Rubiales e avoga por disputar todas as xornadas que restan de competición da tempada 19-20, preferiblemente antes do 30 de xuño, pero incluso se podería facer ao longo do verán. Os diferentes presidentes das distintas federacións territoriais reuníronse con Rubiales por videoconferencia, a cal se celebrou con posterioridade á celebrada por UEFA coa Real Federación Española.
Estas medidas afectan a tres aspectos principais como son a saúde, a economía e a competición. O presidente da Federación Galega, Rafael Louzán respalda as palabras de Luis Rubiales, as cales se recollen nunha circular publicada pola RFEF.
- A prioridade é a saúde de todos os cidadáns e traballar da man das distintas autoridades colaborando na prevención, na conciencias e no freno da propagación do virus COVID-19. Os presidentes descartan realizar medidas propias á marxe da labor que están realizando os servicios sanitarios en todo o estado español.
- As axudas comprometidas pola RFEF e a RFGF aos clubs e ás federacións territoriais para esta tempada están aseguradas. Poden existir retrasos nos pagos se a crise sanitaria exténdese moito no tempo. Programas como Universo Mujer, Impulso 23 ou Cantera teñen aseguradas as contías económicas, polo que os equipos recibirán a integridade do comprometido para esta tempada.
- Agora mesmo a competición non é prioritaria. As federacións están traballando para dar seguridade aos clubs e aos deportistas.
A Real Federación Galega de Fútbol, ao igual que as demáis federacións, avoga por rematar a
competición desta tempada antes do 30 de xuño, si a situación permite facelo. Ese sería o escenario ideal.
Pero si esa situación é imposible, a RFGF ten claro que a competición debe disputarse na súa totalidade aínda que teña que ser máis aló de dita data e teña que disputarse ao longo do verán. Polo que habería que prorrogar a tempada competitiva, as licencias, e a cobertura de accidente deportivo por causas de forza maior.
🗣 @LuisRubiales: "En fútbol femenino, todos los equipos del Programa Élite tienen sus ingresos garantizados. A nivel deportivo están suspendidas las competiciones hasta que decidan las autoridades. Si se juega en periodo de calor, defenderemos la salud por encima de todo" pic.twitter.com/NNwYktTgqI
— RFEF (@rfef) March 17, 2020
Todo vai a depender da evolución da crise sanitaria na que estamos inmersos. A prolongación da competición 19-20 debería en todo caso ser aprobada pola Secretaría Xeral para o Deporte e pola Asemblea da RFGF.
Podería verse adaptado o modelo competicional da campaña 20-21
Ademais, esa posibilidade tamén podería afectar á seguinte tempada, a cal podería ver adaptado o seu sistema competicional en función da data na que se poida rematar a presente campaña.
O que ten claro a RFGF segundo o sinalado polo seu presidente, en consonancia coas federacións española e as demais territoriais, é que “temos que manter a competición limpa e íntegra para iso é necesario que sexa unha competición en condicións de igualdade. Por elo, non podemos cambiar as regras de xogo a metade de tempada, a pesar da excepcionalidade que estamos a vivir”.
Rafael Louzán, presidente da RFGF: “Temos que manter a competición limpa e íntegra para iso é necesario que sexa unha competición en condicións de igualdade. Por elo, non podemos cambiar as regras de xogo a metade de tempada, a pesar da excepcionalidade que estamos a vivir”.
Todas as outras opcións coma a cancelación das ligas, validar as clasificacións da primeira volta ou validar as clasificacións a día de suspensión debido á crise sanitaria, vulnera a limpeza da competición e o criterio de igualdade da mesma.
