Non puido ser. España accederá a oitavos no Mundial de futfem 2023 pero non será como primeira de grupo. Xapón goleaba á Vermella cun 4-0 no último partido da fase de grupos. No equipo inicial, novamente, a galega Tere Abelleira.
A Selección Española bebeu o mesmo xarope amargo que lle dera ela a beber a Zambia: o da goleada. O equipo que adestra Jorge Vilda caeu derrotado ante una seleccion nipona claramente superior ao contragolpe. As asiáticas fron máis rápidas, estiveron máis vivas, e mellor colocadas sobre o tepe que as españolas.
Unha e outra vez o combinado de Xapón sorprendía en velocidade ao contraataque á Vermella. Na zaga, Irene Paredes estivo moi lonxe do seu nivel habitual. Quixo a mala fortuna que incluso no segundo gol de Xapón, o tiro de Ueki tropezar na perna de Paredes e desviase o disparo para descolocar totalmente a Misa.
O que foi peor foi a nula capacidade de reacción da Selección Española co paso dos minutos. Pese aos cambios, incluso Tere Abelleira foi substituída no minut 72 por Claudia Zornoza, España non mellorou e rematou perdendo cun rotundo 4-0.
Eficaces e resolutivas, as futbolistas de Xapón souberon tirar partido do seu xogo á contra, evitando o fóra de xogo e gañando en velocidade ás españolas. en Wellington.
Non foi factible que España continuase a súa serie de vitorias neste Mundial e cedeu deste xeito o primeiro lugar do grupo a una selección nipona que vencía con xustiza.
O control da posesión do esférico non serviou á Selección Española para impoñerse no marcador ao bloque de futbolistas que adestra Futoshi Ikeda. Moito pase horizontal e pouca verticalidade. O propio Jorge Vilda admitía logo do partido en sala de prensa: “Pasámonos moito a pelota con pases horizontais inertes. Intentaremos que no vindeiro partido non suceda o mesmo”.
Antes de que rematase a primeira metade España xa perdía 3-0. Na segunda non foi capaz de darlle a volta ao resultado nin cos cambios implementados por Vilda que metía no campo a Oihane Hernández, Claudia Zornoza, Eva Navarro, Esther González e Alba Redondo.
O cuarto e definivo gol chegaría no minuto 82 nas botas de Tanaka que remataba coa zurda e batía a Misa.
O importante é derrota, que coloca os pés no chan a España, chega na fase de grupos. A Selección Española avanza a oitavos con seguridade no seu xogo pese a este golpe que, seguramente, servirá para evitar que se confíen.
Vilda, adestrador de España: “Anticiparónse en moitas ocasións”
Na sala de prensa o propio Jorge Vilda admitía os erros en defensa: “Non soubemos entrar entre liñas, pese a que temos comezado ben. Pouco a pouco cos goles o equipo estivo máis espeso e non atopou a portaría contraria. Debemos reverter isto e estou seguro de que contra Suiza o equipo vai reaccionar”.
Na opinión de Jorge Vilda, España debe “mellorar as vixilancias defensivas, as custodias e a coordinación. Anticipáronse en moitas ocasións. Tivemos inseguridade tanto na fase ofensiva coma na defensiva”.
FICHA TÉCNICA
4) XAPÓN: Yamashita, Minami, Kumagai, Takahashi, Shimizu (Moriya 59´), Nagano (Hasegawa 59´), Endo (Sugita (85´), Hayashi, Miyazawa (Fujino 46´), Naomoto e Ueki (Tanaka 67´).
0) ESPAÑA: Misa, Ona Batlle, Rocío Gálvez, Irene Paredes, Olga Carmona (Oihane Hernández 46´), Tere Abelleira (Claudia Zornoza 72´), Aitana Bonmatí, Alexia Putellas (Eva Navarro 62´), Salma Paralluelo (Esther González 82´), Mariona Caldentey (Alba Redondo 62´) e Jenni Hermoso.
GOLES: 1-0 (12´) | Miyazawa chegando desde atrás para culminar unha combinación do equipo nipón. 2-0 (29´) Ueki culmina un contragolpe cun disparo que bate a Misa tras rebotar primeiro na perna de Irene Paredes que descoloca á porteira. 3-0. (40´) Miyazawa bate a Misa na súa saída tras un pase desde a esquerda. 4-0 (82´) Tanaka coa zurda tras unha xogada pola dereita.
EQUIPO ARBITRAL: Ekaterina Koroleva (Estados Unidos). Árbitras asistentes: Katie Nesbitt e Felisha Mariscal (Estados Unidos). Cuarta árbitra: Myriam Marcotte (Canadá). Árbitro asistente de vídeo: Drew Fischer (Canadá). Amonestouse con cartón amarelo a Olga Carmona (46´) por parte de España.
INCIDENCIAS: Tercera xornada do grupo C da fase final da Copa do Mundo Feminina de fútbol de Australia – New Zeland 2023. Partido disputado no Estadio Regional de Wellington (New Zeland). Nas bancadas houbo preto de 21.000 espectadores. Presenciu o partido desde o palco de autoridades o presidente da Real Federación Española de Fútbol, Luis Rubiales.
