Esta xornada da Primeira División será doble para o Aceites Abril na súa casa. O sábado reciben o Universidad de León no Pompeo e o domingo ao Feel Volley Alcobendas. O CV Bruxas tamén disputa este fin de semana en casa. O Pavillón Municipal de Bertamiráns acolle ao tamén ao Feel Volley Alcobendas.
Doble cita para o Aceites Abril en Ourense
O Aceites Abril afronta unha doble cita este fin de semana no Polideportivo do Pompeo. Enfróntase consecutivamete ao Universidad de León e ó Voleibol Alcobendas dentro da liga da Primeira División Nacional de voleibol feminino.
As ourensás atópanse na sexta plaza da clasificacións e xoga precisamente aos dous equipos que lle preceden na táboa xa que as leonesas son oitavas e as madrileñas ocupan as sétimas posición polo que o resultado dos partidos definirán a clasificación dunha liga que xa está chegando ao seu fin.
O sábado o Aceites Abril recibirá a partir das 18:30 horas a un novo equipo do Universidad de León que realizou unha boa campaña e que xa está moi afastado dos postos de descenso polo que virán a Ourense co obxectivo cumprido e tentarán repetir o resultado da primeira volta onde venceron ás ourensás por tres sets a un.
O domingo a partir das 11:30 horas será a quenda para o Feel Volley Alcobendas que vén ao Pompeo nunha liña ascendente xa que gañaron os seus dous últimos partidos ante rivais moi potentes, o Extremadura e o Heidelberg, polo que se tomarán o partido fronte ás ourensás como un trampolín para seguir escalando postos na clasificación.
Para este dobre enfrontamento o Aceites Abril terá as baixas de Mirian e Lucía pero recuperará a Xulia, Ania, Alex e o reforzo de Nuria Bouza que tentarán aumentar o potencial das ourensás e conseguir puntuar nos dous encontros o que levaría ao Aceites Abril a escalar un posto na clasificación con opcións de repetir o cuarto posto final das últimas tempadas.
DATOS DE INTERESE
DÍA E HORA:
- 7 de marzo, ás 18.30 horas.
- 8 de marzo, ás 11.30 horas.
CAMPO: Polideportivo do Pompeo – Ourense.
O Feel Volley Alcobendas pasa dúas veces por Galicia
O Bruxas recibe no Pavillón Municipal de Bertamiráns ao Feel Volley Alcobendas o sábado (7 de marzo, ás 16.30 horas). As galegas veñen de perder ante o líder CV Sanse por un 3 a 0. O Alcobendas gañou ante o Extremadura por un 3 a 1.
DATOS DE INTERESE
DÍA E HORA: 7 de marzo, ás 16.30 horas.
CAMPO: Pavillón Municipal de Bertamiráns – Bertamiráns (Ames).
