- Paula Lema, Carlos Arévalo, Paula Otero, Purificación López, Moncho Fernández, Almudena Quereda Isidoro Hornillos, Paula Canedo, Damián Suárez, Jacobo Garrido, Noa Romero, Jacobo Copa, Lucas Yáñez e Miguel Alvariño, entre as persoas galardoadas.
- Valentín González Formoso, presidente da Deputación da Coruña, destacou o gran nivel dos e das deportistas coruñeses e o compromiso da Deputación para “fomentar o deporte desde a base”.
O Teatro Colón acolleu esta noite a gala de entrega dos I Premios do Deporte da Deputación da Coruña, nos que a institución distingue publicamente ás persoas e entidades que destacan pola súa traxectoria deportiva, logros ou contribución ao fomento da práctica deportiva no ano 2022. Un total de 14 premios outorgáronse durante esta cita que congregou a numerosas personalidades do mundo do deporte e a centos de representantes dos clubs deportivos da provincia.
O presidente da Deputación da Coruña, Valentín González Formoso, comezou a súa intervención cun emotivo recordo a Pablo Aguirregabiria, entrenador do OAR Coruña, que perdeu a vida esta semana nun accidente.
Formoso felicitou aos premiados e agradeceulles o seu esforzo diario e dedicación “como un exemplo a seguir por todos e todas”. “Sodes hoxe os protagonistas destes galardóns que vos distinguen publicamente pola vosa traxectoria deportiva, pero tamén son un recoñecemento ao voso esforzo e aos valores que transmitides á sociedade”.
Valentín González Formoso, presidente da Deputación da Coruña significaba sobre as persoas premiadas: “Sodes hoxe os protagonistas destes galardóns que vos distinguen publicamente pola vosa traxectoria deportiva, pero tamén son un recoñecemento ao voso esforzo e aos valores que transmitides á sociedade”
⚫ O presentador, Terio Carrera, lembra nesta xornada a Pablo Agurrebería, recentemente falecido, cunha pequena homenaxe.
A súa figura, como adestrador do @OARCorunaBM e fiel defensor do deporte e do seu equipo, foi todo un referente para o deporte coruñés. pic.twitter.com/ixWKv340SZ
— Deputación da Coruña (@Depucoruna) March 31, 2023
O presidente da Deputación da Coruña apuntou a importancia destes premios para visibilizar, precisamente, o traballo destes grandes deportistas que “son tamén os mellores embaixadores da nosa provincia”. Destacou tamén o gran nivel dos e das deportistas coruñeses, que se sitúan á vangarda do deporte galego “o que supón un orgullo” e incidiu no compromiso da Deputación da Coruña de “fomentar o deporte desde a base”.
O presidente da Deputación da Coruña, Valentín González Formsoso, incidiu no compromiso da entidade provincial de “fomentar o deporte desde a base”
Un traballo que explicou polo miúdo a deputada de Deportes da Deputación da Coruña, Cristina Capelán, que subliñou que a acción deportiva do ente provincial “chega a todos os concellos e á inmensa maioría dos clubs da provincia” para apoiar a súa labor.
Cristina Capelán, deputada provincial de Deportes na Deputación coruñesa subliñou que a acción do ente provincial: “chega a todos os concellos e a inmensa maioría dos clubs da provincia da Coruña”
Capelán salienta a importancia das bolsas ao deporte
Capelán tivo unha mención especial para o deporte feminino e adaptado, que a Deputación potenciou especialmente nos últimos anos, e para as bolsas de apoio aos deportistas “que ao longo dos anos nos deron enormes satisfaccións, xa que permiten aos atletas e deportistas dar os seus primeiros pasos antes de conseguir grandes recoñecementos”, afirmou.
Catorce persoas galardoadas nestes Premios do Deporte Deputación da Coruña
Na gala premiouse a Carlos Arévalo como mellor deportista masculino. Arévalo é o único piragüista español de todos os tempos que gañou dous ouros nun mesmo campionato do Mundo.
A mellor deportistas feminina foi Paula Otero, que no ano 2022 acadou o ouro na distancia de 5.000 metros libres no Campionato de España de longa distancia nas categorías de absoluta moza e absoluta.
Purificación López foi recoñecida como mellor deportista veterana feminina. Estivo alonxada do deporte durante oito anos por una lesión e que retornou en 2018 para gañalo case todo no mundo do triatlón, acuatlón o duatlón.
No caso de Damián Suárez, o triatleta de Cedeira foi galardoado como mellor deportista promesa masculino categoría base, que sumou ao seu palmarés os títulos de campión de España cadete de triatlón e acuatlón, mailo bronce no Campionato de España de duatlón cadete.
Na haltera Paula Canedo recaeu o premio como mellor deportista promesa feminina categoría base. A levantadora coruñesa acadou no 2022, na categoría Sub-17 e peso corporal de 81 quilos, nada menos que tres medallas no Campionato de Europa de levantamento de peso.
Ver esta publicación en Instagram
O nadador Jacobo Garrido foi elixido polo xurado como mellor deportista con diversidade funcional masculino. Cunha deficiencia femoral conxénita, Garrido derrubou récords e barreiras na piscina logrando o pasado 2022 o cuarto posto no Campionato do Mundo de natación adaptada.
Tamén practica natación adaptada a gañadora do premio como mellor deportista con diversidade funcional feminina, que foi Almudena Quereda. Esta nadadora coruñesa levou o premio como recoñecemento aos seus títulos de campioa de España na categoría S8 nos 200 estilos, así como nos 400, 100, 50 libres, ademais de ser subcampioa nos 200 libres.
Moncho Fernández foi elixido como mellor adestrador, polos seus éxitos no banquiño do Monbús Obradoiro.
No caso de Paula Lema Parga, o premio foi como mellor árbitra. Paula Lema é unha das dúas colexiadas de maior nivel de Galicia e integrante do primeiro trío arbitral integramente feminino en dirixir un encontro de máxima categoría masculina (ACB).
O premio a toda unha vida dedicada ao deporte recaía en Isidoro Hornillos, quen atesora unha traxectoria enorme ligada ao atletismo, primeiro como deportista, pero tamén como o adestrador e xestor (ata hai pouco era o presidente da Federación Galega de Atletismo). Está considerado unha autoridade nacional e internacional no atletismo.
Por outra banda, tamén houbo mencións especiais que recaeron en catro deportsitas. Unha delas foi Noa Romero Fernández, taewondista de Porto do Son na categoría de mellor deportista promesa feminina categoría base, convertida xa nunha referencia no mundo do Taekwondo.
Tamén se recoñeceu o talento de Jacobo Copa Chas, na categoría de mellor deportista promesa masculino categoría base, como capitán da selección española de hockey sobre patíns.
Sen deixar os patíns pero si o hoquei, houbo mención especial para a Lucas Yáñez Pérez, na categoría de mellor deportista masculino, que acumulou título tras título no 2022 na categoría júnior de patinaxe artística.
Nesa lista de catro mencións especiais estivo tamén Miguel Alvariño, na categoría de mellor deportista masculino, salientándose no seu caso éxitos como a consecución do campionato de Europa e o subcampionato na final da Copa do Mundo. O pontés Miguel Alvariño é o número 1 do ránking mundial en tiro con arco.