Facía tempo que o FC Barcelona non pasaba tantos apuros para gañar no seu feudo. O Deportivo ABANCA deu no estadio Johan Cruyff todo un clínic de coberturas defensivas, axudas e colocación táctica. E moi difícil aguantar un 0-0 ante o Barça no seu campo e o Dépor conseguíno esta tarde durante 119 minutos. Gran traballo e de moito mérito para as galegas. Un gol de Hamraoui a falta de un minuto para o final da prórroga espertou do sono ao Dépor que fixo un auténtico partidazo e chegou a desesperar a todo un Barça.
Manu Sánchez reforzou o centro do campo para a visita ao Johan Cruyff nestes cuartos de final da Copa da Raíña. Mudou a formación clásica do equipo e pasou dun 1-4-4-2 en rombo a un 1-2-3-1 cun doble pivote formado por Iris y Arbélaez. Athenea xogou como único referente do ataque coruñés e Peke esperaría o seu turno no banco pero saíria no minuto 120′ e case non tivo tempo ni para tocar o balón.
El Dépor saíu moi ben plantando e sen complexos a verde da cidade condal pero pronto as culés fixéronse con dominio do coiro e no minuto 8′ chegaría unha gran oportunidade para as de Lluis Cortés. Unha cesión de Arbeláez cara Sullastres acabou en cesión a favor das blaugranas. Alexias Putellas foi a encargada de golpear, pero a gardamallas das galegas respondeu cunha gran intervención.
As galegas sufriron moito durante os primeiros compases, froito da alta presión culé que afogaba a saída do balón das branquiazuis. O conxunto herculino tiña o plan claro. Acumular xogadoras na zona medular para evitar a circulación cómoda do balón do Barça e aproveitar os robos para saír ao contraataque.
Co paso dos minutos, o Dépor foi asentándose no partido e pesar de non controlar o esférico como acostuma. As galegas estiverom moi organizadas e compactas para evitar que as barcelonistas estiveran cómodas. As de Cortés foron donas absolutas da posesión durante os primeros 45′ pero salvo a ocasión precedida da cesión, non puxeron a Sullastres en serios apuros. As pupilas de Manu tampouco gozaron de ocasións claras de gol, cunha Athenea que botou en falta a súa socia en ataque, Peke.
Co resultado gafas no luminoso chegaríase ao tempo de lecer. Un Barça que non encontraba a forma de abrir a lata e un Deportivo ABANCA que resisitía as acometidas locais mentres que buscaba a ocasión de saír rápido a contra para facer saltar as alarmas e a sorpresa no Johan Cruyff. Con este empate no descanso, o FC Barcelona quedaríase por segunda vez na tempada sen anotar nos primeiros 45′. Gran traballo táctico e defensivo de Manu Sánchez para evitar encaixar ante un equipo acostumado a gañar e golear.
Tras o tempo de refresco, o partido seguiu polos mesmos derroteiros. O Barça levando o peso e tendo as ocasións mentres que un Dépor agazapado resistía con moito mérito e cunha gran labor táctica e solidaria. Varios erros na saída de balón durante os primeiros minutos puxeron en apuros á zaga visitante e Oshoala tivo unha moi clara nas súas botas. Afortunadamente para os intereses galegos, a nixeriana non conectou con esférico e o Dépor alexou o perigo.
No minuto 57′ un erro na entrega de Cris, dentro da área, deixou a Oshoala soa diante de Sullastres. A máxima goleadora da Liga fixo o que non acostumba, perdoar diante da meta. Tras esta clarísima ocasión para o Barça, Lluis Cortés metía máis madeira no verde e saía Jenni Hermoso para tentar poñerse por diante no marcador.
O Barça gozaría no minuto 68′ dunha gran ocasión para poñer o primeiro. Unha falta, un tanto discutible, na frontal da área que lanzou Alexia con disparo de zurda pero non encontrou a portería de Sullastres tras petar na barreira galega. Jenni, na continuación, tería outra moi clara que a cancerbeira das galegas enviaría a saque de esquina. Foron 10 minutos de acoso e derribo do FC Barcelona.
Manu Sánchez fortalecía o lateral esquerdo tras a saía ao céspede de Jenni Hermoso e introducía a Noelia Villegas en sustitución da nipona Maya. Con este movemento de pezas, Nuria pasaba ao centro do campo e Villegas colocaríase de lateral. Máis cemento para fortalecer ao muro galego.
O Barcelona non parou de tentalo e Mariona Caldetey tivo no minuto 76 unha das máis claras do encontro. Regatou a o seu par dentro da área e tras varios amagos, disparou e o esférico foise lamendo o pau esquedo da meta de Sullastres.
O Dépor seguía cunha defensa espartana, con moito traballo e solidaridade. Resistindo as acometidas culés. As de Cortés non atopaban o camiño do gol e as galegas lanzaban contras en busca de anotar un gol definitivo. Xa nos últimos intres do partido, Oshoala tería unha ocasión que valía unhas semis pero Sullastres foi un auténtico pesadelo para a dianteira nixeriana. A 20 platouse soa diante da portería galega e disparou ao pau curto. A resposta de foi de moita calidade, sacando o pé e desviando o remate da killer culé.
O Barça non podería durante os 90′ co entramado defensivo galego e con 0-0 no marcador chegaríase ao pitido final. Teriamos por diante media hora de prórroga. O tempo extra no cambiaría o guión do encontro e as catalanas apretarían e terían boas ocasións, primeiro Oshoala na súa bota esquerda e despois Jenni Hermoso na súa testa.
SúperSullastres
Minuto 100 de encontro e a gardamallas de Torroella de Montgrí faría a interveción do partido e unha das da tempada. Tras un disparo desde a frontal o balón quedaba a bocaxarro a Oshoala. Canto todo parecía que a pichichi ía romper o partido e anotar o primeiro, apareceu a figura imperial de Esher Sullastres. Gran parada co brazo esquerdo que deixaba a dianteira culé coas mans na faciana e mostrando a total incredulidade ante o gran ocasión desperdiciada.
Na segunda metade da prórroga seguiría o asedio culé á meta de Sullastres. O Deportivo ABANCA xa só pensaba e aguantar os 15 minutos e plantarse na lotería dos penaltis.
Hamraoui baixa ao Dépor do ceo
Todo parecía que ía cara os penales. Peke estaba disposta a saltar ao verde, cando Hamraoui elevábase por riba de toda a zaga galega e cabeceaba ao fondo das mallas un centro medido de Mariona. A dianteira gala aproveitou o seu case metro oitenta de altura para dar o pase ás semifinais ao FC Barcelona. A pesar da dura derrota no último minuto, as galegas fixeron un gran traballo e puxeron e moitos apuros a un dos mellores equipos do mundo. Non é nada doado aguantar 119 minuto no Johan Cruyff sen encaixar un gol e hoxe, as pupilas de Manu Sánchez, conseguírono.
Este Dépor é a bomba
As galegas fotografiáronse co ex xogador de baloncensto Juan Carlos “la bomba” Navarro antes de coller un voo directo cara a cidade condal para disputar o encontro. Este foi a mensaxe que acompañou á foto nas redes sociais do club coruñés:
#AsNosas van con unha bomba cara a Barcelona…haberá bombazo mañá no Johan Cruyff? #póDEse!!!!!
FICHA TÉCNICA
FC BARCELONA: 13 Tajonar, 4 Mapi León, 8 Marta, 11 Alexia (73′), 12 Patri (88′), 14 Aitana (58′), 15 Leila (109′), 16 Graham, 17 Pereira, 20 Oshoala, 22 Mertens.
Suplentes: 1 Paños (ps), 3 Van der Gragt, 6 Losada, 7 J. Hermoso (58′), 9 Mariona (73′), 10 Hamraoui (88′), 18 Crnogorčević (109′).
DEPORTIVO ABANCA: 1 Sullastres, 22 Cris, 14 M. Méndez, 15 Bedoya, 11 Nuria, 17 Maya (70′), 12 Arbélaez, 5 Iris (119′), 3 Tere, 19 Gaby, 9 Athenea (114′).
Suplentes: 13 Misa, 6 Michelle Romero, 7 Miriam (114′), 10 Kika, 18 Peke (119′), 20 Villegas (70′), 26 Patri López.
GOLES: 1-0 Hamraoui (119′)
INCIDENCIAS: Partido correspondente aos cuartos de final da Copa da Raíña que enfrontou ao FC Barcelona e ao Deportivo ABANCA no estadios Johan Cruyff.
