O Conservas Orbe Rubensa BM Porriño non foi quen de superar ao Motive.Co Gijón no primeiro encontro da Liga Guerreras Iberdrola no curso 2022-23. As galegas caeron pola mínima (26-27) no seu debut actuando como locais no Porriño.
Unha nova tempada deu comezo este sábado no Pavillón Municipal do Porriño. A liga Guerreras Iberdrola enfrontaba na súa primeira xornada ao Conservas Orbe Rubensa Bm Porriño e ao Motive.Co Gijón (BM La Calzada). Ambos os dous equipos con bloques de xogadoras renovados e que xa se tiñan visto as caras nos partidos de preparación de pretempada.
O Conservas Orbe Rubensa BM Porriño foi o encargado de poñer a bóla en marcha e abrir o marcador do encontro. O seu rival non tardaría en poñer o empate no marcador.
En ataque, as locais que adestra Ismael Martínez non estaban a atopar as ocasións adecuadas para poder atacar e estáballes custando converter os lanzamentos en gol. Defensivamente, parecían ter moi estudadas aos seus rivais, pechando os espazos e provocándolles erros. Pasados o primeiros dez minutos, o Conservas Orbe Rubensa BM Porriño atopábase un gol por encima no marcador (4-3).
Cunha gran Estela Carrera baixo paus e con Malena Vales como especialista nos lanzamentos de sete metros. As porriñesas ían meténdose aos poucos no partido. En tan só tres minutos, as de Ismael Martínez fixeron un parcial de 2-0 e diante iso, Cristina Cabeza viuse obrigada a pedir o primeiro tempo morto do encontro.
A falta de dez minutos para o final da primeira parte, o marcador continuaba a favor das locais 10-7. A defensa 6:0 que presentaban as rivais, permitía ás porriñesas realizar un bo traballo de cambios que Mica Casasola sabía aproveitar moi ben para penetrar a defensa.
No minuto 24:50, as xogadoras que prepara a adestradora Cristina Cabeza empatan o encontro cun 11-11. Con todo, o Conservas Orbe Rubensa BM Porriño non deixou que os seus rivais puxésense por encima. Chegou o final do primeiro tempo e o marcador presentaba unha clara igualdade (13-13).
As segunda metade foi cando o Gijón foi quen de poñerse diante do Porriño
Cecilia Cacheda puxo en marcha a bóla para o seu equipo no inicio da segunda parte. Non cumprira o primeiro minuto e o Motive.Co Gijón púxose por primeira vez diante no marcador. Con todo, Paulina Buforn volvería empatar no minuto tres (14-14) cun espectacular lanzamento desde os nove metros.
Os minutos pasaban e o Motive.Co Gijón volvía poñer por diante. No 08:37, ao ver que o seu equipo non estaba a crear ningunha situación en ataque, Ismael Martínez pediu tempo morto. Esta decisión pareceu xurdir o efecto desexado. Mica Casasola recortaría distancias e poñería ao seu equipo a tan só un gol.
Chegou o ecuador do partido e o Motive.Co Gijón estaba a un punto por encima (20-21) e Malena Vales non fallou e volvería conseguir o empate a través dos sete metros. A tensión e a emoción podíase percibir nas bancadas do municipal do Porriño.
Os minutos corrían, o equipo e a afección porriñesa desexaban sumar eses dous primeiros puntos. Chegou o minuto 25 e o marcador estaba 23-26 a favor do Motive.Co Gijón . Faltaban dous minutos para a conclusión e o Conservas Orbe Rubensa BM Porriño continuaba dous goles abaixo. Ismael Martínez volveu solicitar o tempo morto para ordenar o ataque das súas mozas e asegurar o gol. Carmen Prelchi cumpriu e puxo ao seu equipo a un gol.
Último minuto e a tensión continuaba, o traballo defensivo porriñés foi impecable, pero o tempo non lles permitiu atacar con tranquilidade. Final do partido e lanzamento a tempo parado que Mica Casasola non logrou transformar, o Motive.Co Gijón conseguiu os seus primeiros puntos por un resultado de 26-27.
Final do partido, loitamos ata o final, pero non o conseguimos. Este equipo ten moito que demostrar‼️
Conservas Orbe Rubensa Bm Porriño 26🆚 @CBLaCalzada 27
🏆Parabéns ás gañadoras do lote de #ConservasOrbe sorteado hoxe#LigaGuerrerasIberdrola pic.twitter.com/A7hQmSAmNj
— Club Balonmano Porriño (@BmPorrino) September 3, 2022
FICHA TÉCNICA
26) CONSERVAS ORBE RUBENSA BM PORRIÑO: María Groba, Carolina Bono, Micaela Casasola (8), Ithaisa Trigo, Alicia Campo, Malena Valles (6), Aitana Santomé, Maider Barros (2), Sarai Samartín, Paulina Buforn (2), Carmen Prelchi (3), Thais Fermo (3), Carme Castro (2), Marta Groba, Estela Carrera e Fátima Ayelén.
27) MOTIVE.CO GIJÓN: Lorena Zarco (3), Paula Valdivia (7), María González (2), Cecilia Cacheda (4), María Palomo (6), Debora Torreira, Lucía Laguna, Mina Novovic (1), Lucía Fernández, Lucía Alonso, Nayla De Andrés (1), Carmen Arroyo, Joana Fortuna e Raquel Álvarez.
MARCADOR CADA CINCO MINUTOS: 2-2, 4-3, 8-3, 10-7, 11-11, 13-13 – descanso – 14-15, 17-18, 20-21, 21-24, 23-26, 26-27.
EQUIPO ARBITRAL: A parella arbitral estaba formada por Cristián Da Silva e Tomás García. Por parte do Conservas Orbe Rubensa Bm Porriño excluíron a Malena Valles, Aitana Santomé, Sarai Samartín e Ismael Martínez. Por outro lado, é dicir nas filas do Motive.Co Gijón, excluíron as xogadoras: Paula Valdivia, María González, Nayla De Andrés e Joana Fortuna.
INCIDENCIAS: Partido correspondente á primeira xornada da Liga Guerreras Iberdrola de balonmán. Disputado no pavillón municipal do Porriño.
