O CW Pontevedra, en colaboración coa Federación Galega de Natación, organizaba esta fin de semana os Campionatos Galegos de Waterpolo xuvenil feminino e masculino, coa piscina do CGTD de Pontevedra como escenario.
Na categoría feminina, o equipo xuvenil feminino do Club Waterpolo Pontevedra proclamouse campión galego ao vencer 16-12 ao RCN Vigo. As deportistas saíron moi concentradas e foron todo o tempo por diante no marcador, chegando a ter unha vantaxe de dez goles ao final do terceiro período. Esta circunstancia permitiu ao corpo técnico darlle minutos ás xogadoras máis novas, que fixeron un bo papel e destacando o gol do xogadora alevín Carlota.
O equipo tivo a colaboración das xogadoras Candela e Emma do CW Santiago e Raquel do Club Mariña Ferrol. Con esta vitoria, consegue a clasificación para o Campionato de España xuvenil feminino.
En categoría masculina o ouro foi para RCN Vigo, a prata para CW Santiago e o Bronce para CW Pontevedra.
