Desde Montreal chega a Galicia a cancerbeira Capucine Monteil para asegurar a portería do equipo feminino de Primeira División Nacional do Club Waterpolo Pontevedra.
A nova porteira do conxunto galego conta con 19 anos. Chega ao Club Waterpolo Pontevedra procedente do Club Aquatique Water-Polo Montreal (CAMO) canadense. Capucine Monteil é unha xogadora que conta con categoría de internacional coa Selección de Canadá en categorías de base. De feito, Monteil vén de disputar con Canadá o Mundial Sub-20 organizado en Coimbra no mes de setembro.
