O CW Pontevedra volveu tropezar. Esta vez na súa casa, na piscina de Marín. O rival que tiña enfronte foi o CN Molíns de Rei Sintagmia.
Seguramente o desta xornada foi un dos peores partidos que o equipo galego do CW Pontevedra ten disputado nos últimos tempos. A derrota por un marcador 6-13 dá conta da superioridade das rivais.
As xogadoras locais empezaron pouco activadas e mostra diso foi a pouca claridade tanto en ataque como en defensa, reflectindo un 0-3 no primeiro cuarto que non foi posible remontar.
Na mente do bloque do CW Pontevedra está facer autocrítica e corrixir os erros para poder obter os 3 puntos a próxima semana en Cataluña, fronte ao CN Vallirana.
FICHA TÉCNICA
6) CW PONTEVEDRA: Capucine Monteil, Uxía Ferreira, Valentina Restrepo (1), Ingrid Peirón, Iria Amoedo (1), Andrea Fernández, Raquel Pena, Rocío Ferreira, Carmen Carrera (1), Irene Esteban (1) e Andrea Andión (2).
13) CN MOLÍNS DE REI SINTAGMIA: Laura Emily, Elia Badosa (2), Berta Pastor (1), Judit Barbero (3), Ainhoa Vizcaíno (2), Julia Torras, Nerea Morales, Laura Ferrer (1), Paula Andrade, Ariadna Belles, Laia García (2), Nerea Lozano (2) e María Pluvins.
PARCIAIS: 0-3, 2-3, 2-3, 2-4 – Marcador final: 6-13
EQUIPO ARBITRAL: ADRIÀ DÍAZ FERRERO, ALVARO HERNANDEZ MIRO, XAVIER GUARDIA MARSAL
INCIDENCIAS: Partido disputado na Piscina da Escola Naval Militar de Marín correspondente á xornada 5ª da Primera Nacional de waterpolo feminino. Ao partido asistiu o novo presidente da FEGAN, Juan Carlos Brión. Cosnulta aquí toda a acta do partido na web da RFEN.
