O Dépor ABANCA informa de que unha das capitás do equipo branquiazul, Cris Martínez, non vai estar contra o FC Levante Las Planas por lesión.
A futbolista Cris Martínez será baixa este domingo 27 de marzo no partido que xogará o Dépor ABANCA ás 12:00 h no Municipal de Les Planes (Sant Joan Despí) ante o FC Levante Las Planas. O motivo é unha escordadura do ligamento lateral interno do seu xeonllo dereito. O partido será transmitido a través da canle de Youtube do FC Levante Las Planas.
Segundo comunica o RC Deportivo a “defensa deportivista estará uns días con tratamento médico e de fisioterapia e, en función da súa evolución, pasará a continuación á fase de readaptación física como paso previo ao seu regreso aos adestramentos co grupo”.
Cris Martínez únese a Andrea Sierra e Alba Merino, todas elas de baixa médica para este choque correspondente á 22ª xornada no grupo norte de Reto Iberdrola.
