- Excelente xornada para os deportistas españois este sábado no Campionato Europeo Sub-20 de loitas olímpicas celebrado en Compostela
Durante a tarde celebráronse as semifinais, nas que o andaluz Felipe Ferrusola (menos de 65 kg) venceu ao finlandés Akseli Errkola en cuartos de final e meteuse na loita polo bronce, que perdeu aos puntos co representante francés, quedando finalmente quinto de Europa, esta competición que acolle Santiago de Compostela.
O outro nome propio do día de hoxe neste Campionato Europeo Sub-20 de Loitas Olímpicas, foi en oitavos de final o do balear Marc Arias (menos 61 kg) que venceu 8-3 ao polaco Oskar Kulczycki. Mañá domingo, a partir das 18 h loitará o bronce europeo contra o vencedor do combate entre o húngaro Slotan Misei e o búlgaro Denis Naim.
Na mañá de hoxe sábado disputaron os seus combates o madrileño Fabricio Reyes (menos 74 kg) contra o Israelí Vartan Oganissian quedando 4-4 pero perdendo finalmente o combate, e o navarro Aimar Alzón (menos 92 kg) caeu derrotado contra o alemán Daniel Fischer. Mañá domingo disputaranse as finais.
A Selección española, participou cun total de 15 deportistas (11 mozos e 4 mozas), conta con dous representantes galegos, ambos os campións de España, que competiron este venres 30: Alessandro Iemma, que participou na modalidade de libre masculina (menos de 57 Kg), e Moisés Belo (menos de 79 Kg).
Ambos son deportistas vigueses, de dous clubs diferentes, Alessandro ao clube de loita cidade de Vigo e Moisés ao club de loita San Ignacio. Levan catro anos bolseiros no Centro galego de tecnificación deportiva.
A delegación española pechou o primeiro bloque de competición, no referente á loita grecorromana, cun resultado de 2 vitorias por 5 derrotas e boas sensacións sobre o tapiz, polo xeral.
A competición contou tamén coa participación de María Cazalla. A representante española caeu derrotada na pelexa polo bronce.
Máis de 800 atletas acreditados nunha cita histórica en Compostela
Foron un total máis de 800 atletas acreditados entre adestradores e deportistas, de 34 países os que participan nesta competición histórica para Galicia, na categoría U20, idade previa á categoría absoluta. O evento celebrouse por primeira na capital de Galicia desde o luns 26 de xuño ata o domingo 2 de xullo.
Este evento está considerado unha cita histórica para Santiago e Compostela, xa que se trata da primeira vez q celébrase un europeo na cidade e a segunda vez en España, tras Pontevedra en 2019.
O calendario desde Campionato Europeo de Loitas olímpicas Sub-20 estivo distribuído da seguinte maneira:
- Loita Grecorromana: que tivo lugar do luns 26 ao mércores 28 de xuño (finalizado)
- Loita Libre Feminina: que leva a cabo do mércores 28 ao venres 30 de xuño
- Loita Libre Masculina: que se realizará do xoves 29 de xuño ao domingo 2 de xullo
A entrada a todas as competicións, incluídas as finais de mañá domingo será gratuíta, e todas as competicións puidéronse ver en directo na web da federación internacional https://uww.org/event/european-championships-37.
