A segunda volta da Primeira División de voleibol iníciase este fin de semana. Tralo parón por Nadal, o Aceites Abril viaxará ata a Alcorcón. Enfrontaranse o CUV Alcorcón. Por parte do CV Bruxas o traxecto non será tan longo. Irán a comunidade veciña, a Asturias para xogar contra o Fertiberia Los Campos.
O Aceites Abril busca a súa primeira vitoria na segunda volta
O conxunto de Ourense irá este fin de semana (o sábado 11 de xaneiro, ás 16.00 horas) ata a capital. O Voleibol Alcorcón é o pechacancelas da competición. Será o primeiro partido en abrir a segunda volta da Liga.
O Aceites Abril ocupa o quinto posto. Pecha a súa magnífica primeira volta con seis vitorias nas que puntuou con tres puntos. Visita o Polideportivo Los Cantos da localidade madrileña de Alcorcón. O equipo senior galego case ó completo con as únicas baixas de Varandela e de Rebeca Kruse.
No primeiro partido da competición xa se viron as caras. En Ourense, o equipo local acadou a vitoria por tres sets a cero (25-19/25-20/25-19).
A intención para este partido é conseguir a vitoria. Queren seguir sumando puntos para conseguir a permanencia un ano máis. Polo tanto, buscan a tranquilidade para o resto da tempada.
A expedición estará composta por nove xogadoras todas senior: Patri, Gladys, Ana Belén, Miriam, Lucía, Rocío, Alba, Ania e Xulia. Será a primeira cita na que non se despraza ningunha xogadora xuvenil.
DATOS DE INTERESE
CAMPO: Polideportivo Los Cantos – Alcorcón (Madrid)
O CV Bruxas non fará un traxecto tan longo
O CV Bruxas desprázase o sábado (11 de xaneiro ás 20.00 horas) a comunidade veciña, a Asturias. O seu rival para o inicio da segunda volta será o Fertiberia Los Campos.
As de Bertamiráns son décimas na clasificación. Suman tres vitorias con tres puntos, dúas con dous e seis derrotas. As asturianas, sen embargo, son terceiras con 25 puntos.
O conxunto da capital galega intentará gañar o partido para alonxarse máis dos postos de descenso. Tan só o separan nove puntos do rival do Aceites Abril. Na primeira xornada da Primeira División quedáronse ás portas. O Fertiberia levouse a vitoria en Bertamiráns de 2 sets a 3 (25-16/25-20/23-25/15-25/13-15).
DATOS DE INTERESE
CAMPO: Polideportivo Municipal – Los Campos (Asturias)
