O Concello de Rianxo acolleu este domingo unha nova xornada da Liga Galega de Traiñeiras (LGT), Trofeo Xunta de Galicia. No porto rianxeiro, déronse cita a liga feminina e a liga A para competir polas diferentes bandeiras concello de Rianxo. A cita serviu para afianzar no liderato ao barco de Chapela Wofco na competición feminina que foi quen ondeu a bandeira ao final das regatas.
📷📷CLASIFICACIÓN XERAL despois da desputa da II BANDEIRA FEMININA CONCELLO DE RIANXO e XX BANDEIRA CONCELLO DE RIANXO#LigaF#LigaA#LGT23#trofeoxuntadegalicia23
Xunta de Galicia
Deporte Galego
Sputnik Sport
TGM – Toldos Gómez
Salgado Congelados#BeEnergy pic.twitter.com/bq4wL4ZujQ— LigaLGT (@Ligalgt) July 9, 2023
Sen vento, e con mar en calma, a liga feminina, Trofeo Xunta de Galicia, saíu a competir en dúas quendas lanzadas. Na primeira, Salgado Perillo non deu opción as súas rivais, superando con claridade a Puebla e a Castropol. As asturianas, estiveron lonxe do nivel mostrado na regata do sábado na que quedaron sextas.
Na segunda manga, a embarcación local de Rianxo saíu a por todas chegando á primeira referencia á altura de Chapela Wofco e cinco segundos por diante de Mugardos A Cabana de Ferrol. Pechaba a virada Cesantes Cefycal con peor tempo que o feito nesa referencia Salgado Perillo e mellorando por pouco o de Puebla.
As de Rianxo intentaron seguir a estela das líderes pero na segunda virada, Chapela Wofco xa se poñía por diante a seis segundos das locais. Aínda que as da Virxe da Guadalupe mantíñanse por diante das do norte. Cesantes Cefycal, máis lonxe seguía loitando cos tempos de Perillo e Puebla.
Chapela Wofco certificou o triunfo na 3ª quenda
Na terceira quenda a situación non cambiou e na cuarta Chapela Wofco certificou a súa vitoria e completa o trío de vitorias no que vai de tempada nesta competición da LGT.
Por detrás, as rianxeiras non puideron aguantar o ritmo das primeiras e finalmente, nun último gran longo foron superadas por Mugardos – A Cabana de Ferrol.
Quedou sen premio gordo Rianxo pero o optimismo é máximo na traiñeira trala regata “podemos superar a Mugardos A Cabana de Ferrol” declaraba María Rodríguez, remeira de b. Pechou a segunda quenda Cestantes Cefycal, que finalmente quedou por detrás de Salgado Perillo pero se mantivo por diante de Puebla e Castropol.
📸 Xa podedes ver todas as fotos da xornada de hoxe, no noso perfil de #facebook#LigaA#LigaF#LGT23#trofeoxuntadegalicia23
Xunta de Galicia
Camino Xacobeo
Deporte Galego
Sputnik Sport
TGM – Toldos Gómez
Salgado Congelados#BeEnergy📸 @difusion_sport pic.twitter.com/olLlQUGRpV
— LigaLGT (@Ligalgt) July 9, 2023
Bandeira e liderato para Ares
Trala quenda feminina, o vento fixo acto de presenza, aínda que de forma leve, para dar comezo á liga A. Nesta categoría, ás dúas primeiras quendas partiron lanzadas e o fixeron, por primeira vez na tempada, segundo a clasificación do día anterior en Chapela e non cunha saída marcada polos postos na liga. Así partiron na primeira quenda SamertolameuFandicosta B, Narón, Puebla e Rianxo e na segunda Castropol, Cabo, Mecos e Cesantes Rodavigo.
Á primeira virada chegaron ás 8 traiñeiras en 15 segundos de diferencia. Con Castropol liderando dende a segunda manga por diante do CR Cabo da Cruz. Terceira nesa manga era Mecos co mesmo tempo que Rianxo na primeira e cuarta era Cesantes Rodavigo, que igualaba o crono de Puebla e Narón. Pouco por detrás pechaba Samertolameu Fandicosta.
A partir de aí, os asturianos volveron a mostrarse máis fortes que os seus rivais e lideraron o resto da quendao CR Cabo da Cruz intentouno sen éxito rematando a oito segundos de Castropol.
A situación por detrás estivo máis igualada e emocionante, na primeira quenda Rianxo superaba por escasos segundos a Narón e Mecos dende a segunda manga situábase entre ambas traiñeiras. Esa situación deuse na segunda e na terceira virada pero finalmente, os de Narón conseguiron remontar aos locais de Rianxo e mellorar o tempo de Mecos. A Mequiña non superou aos locais por escasas centésimas, rematando en novena posición.
O vento foi un pouco a máis na última quenda pero sen chegar a ser decisivo na loita pola bandeira. Nesta manga partiron os catro favoritos chegando totalmente igualados á primeira referencia. Lideraba Ares por diante de Bueu Simei, Tirán Pereira e pechaba a tres segundos Chapela Wofco.
Pero esta igualada rachouse a partir do segundo longo, momento no que Ares se fixo coa dianteira deixando a Bueu Simei e a Tirán en tempos similares como perseguidores, pechaba Chapela Wofco. O campión do día anterior vía como se lle afastaban os seus rivais e incluso caía á quinta posición momentánea, empeorando o tempo de Castropol.
As diferencias mantivéronse no último xiro e se consolidaron no último longo, cando Ares cruzou á meta en primeira posición, mellorando o tempo das quendas anteriores e certificando a súa vitoria na XX Bandeira Concello de Rianxo.
Por detrás a situación non cambiou, Bueu Simei rematou segundo e Tirán Pereira terceira. Chapela Wofco tivo que apertar e loitar ata o final para superar a Castropol. Os da Arealonga conseguírono por cincuenta centésimas con respecto aos asturianos. Un punto que é moi importante vendo a igualdade que hai na cabeza da liga.
Ares sae un pouco máis líder de Rianxo pero só a tres puntos de Bueu Simei e a cinco de Chapela Wofco. O prexudicado deste fin de semana foi Tirán Pereira que queda a sete puntos de Ares.
