O Club de Remo Puebla informa ás persoas socias da entidade que onte, 1 de setembro de 2023, “convócanse eleccións á presidencia do Club, tal e como esixe o artigo 10 dos nosos estatutos”.
Explican desde o Club de Remo Puebla que a elección terá lugar, en “Asemblea Xeral Extraordinaria, que se celebrará o vindeiro 24 de setembro de 2023, ás 12:00 horas nas instalacións do club”.
Segundo explican nun comunicado desde a entidade da Pobra do Caramiñal, “o documento oficial da convocatoria foi enviado por email a todos os socios e socias, así como o calendario electoral coas datas e fases do proceso, e o censo electoral provisional”. Advirten do feito de que se es unha persoa socia da entidade “non recibiches ningunha mensaxe no teu enderezo electrónico, mira na carpeta de spam“. E se aínda así non atopas o correo, apuntan desde o Club de Remo Puebla que “se contacte co enderezo electrónico: remopuebla@gmail.com ou ben se escriba unha mensaxe a través da aplicación WhatsApp ao número (+34) 604812841 para intentar solucionar o problema de comunicación”.
