O CGTD de Pontevedra acolle mañá, sábado 14 de xaneiro, os Campeonatos de Galicia de Loitas Olímpicas nas categorías U20 e U15, así como o autonómico de Grappling-Gi para absoluta e U20.
Pontevedra volve ser a sede desta modalidade deportiva en Galicia nunha competición dividida en dúas xornadas: A xornada de mañá, será para as Loitas Olímpicas e a xornada de tarde será para o Grappling-Gi.
Ver esta publicación en Instagram
Esta cita da Federación Galega polo conta con 168 deportistas rexistrados nunha competición que se desenvolverá sobre tres tapices no pavillón do Centro Galego de Tecnificación Deportiva de Pontevedra (CGTD), para axilizar os combates.
Esta competición autonómica é decisiva para os próximos campionatos de España de Loitas Olímpicas, que terán lugar en Carmona (AND), o 11 e 12 de febreiro. Os campións selarán o seu pase directo á proba estatal.
No caso do Grappling-Gi, os campionatos de España disputaranse en Onda (VAL), durante os días 24, 25 e 26 de febreiro.
Galicia continúa sendo un referente nacional na organización de eventos, contando cun denso calendario para o ano 2023.
“O Colexio Galego de Árbitros, será o encargado de dirixir ambos os campionatos e está de parabéns, tras os ascensos dos colexiados Galegos a nivel nacional e internacional resoltos a finais de 2022. Esta é a mellor noticia para poñer en valor o traballo constante deste colectivo, que se está renovando ano tras ano, sendo un dos colexios nacionais con maior número de novos valores”, apunta a Federación Galega (FEGALOITA).