Coa vitoria, o CdeC Lavadores ponse por riba do Rubensa BM Porriño. O pavillón de Porriño foi o encargado de presenciar a derrota das locais fronte as de Anxo Otero (15-23).
No inicio do encontro as xogadoras viguesas estiveron por riba das locais. Comezaron cunha defensa bastante boa. Pero a medida que iba avanzado o xogo, as porriñenses intentaron darlle a volta. Nestes intres o marcador estivo moi igualado e só había un gol de diferencia entre ambos clubs.
Ata, os quince minutos, que o Rubensa Porriño logrou empatar (5-5). Mais o CdeC Lavadores cambiou a súa táctica e volver a estar dentro do partido. O que fixo que as xogadoras de Anxo Castro fóranse ó descanso cun panel de 9 a 11.
Tralo descanso, o plantel de Miguel Sánchez, non puido remontalo partido. O Lavadores cada vez víase máis vitorioso. Dalgunha maneira tiña que rachar co mal balance que levaban na División de Honor Prata esta tempada. Polo que non baixaron en ningún momento a intensidade do xogo ata o pitido final, facendo un parcial de 6 a 14. Pola contra, o Rubensa Porriño vía coma as súas rivais alonxábanse e elas non podían facer nada máis.
O Lavadores volverá a xogar fora da casa na xornada 14. Farano contra o Lanzarote-Puerto del Carmen, o sábado (21 de decembro, ás 20.30 horas). No caso do Rubensa BM Porriño poñerá o mesmo rumbo. Xogará o mesmo día e a mesa hora contra o BM Tejina Tenerife.
FICHA TÉCNICA
RUBENSA BM PORRIÑO: María Groba, Alicia Campo, Andrea Fernández, Anastasija Doder, Laura Cabral, Marta Groba, Begoña Otero, Aitana Santomé, Sandra Fernández, Ana Alonso, Carme Castro, Laura Barros, Claudia Blanco, Erika Roma, Cristina Martínez e Ithaisa Trigo.
CdeC LAVADORES: Ainoa López, Gemma Martínez, Paula Rey, María Álvarez, Antía Estévez, Laura Piñeiro, Arima López, Lorena Barreiro, Uxía Ferreiro, Sandra López, Eva Costas, Ana Benavides, Ana Rodríguez, Marta Díaz, Ana Gil e Danilza Liranzo.
MARCADOR CADA 5 MINUTOS: 1-2, 2-3, 5-5, 6-5, 6-7, 9-11, 10-12, 10-13, 11-16, 12-18, 13-21, 15-25.
