A Selección Española xuvenil conta cunha galega nas súas filas. O seleccionador Imanol Álvarez convocou a Carme Castro, xogadora senior de primeiro ano do Conservas Orbe Rubensa Porriño.
As Guerreras Junior reuniranse do 11 ao 15 de abril nunha concentración que terá lugar no pavillón multiusos de Azuqueca de Henares (Guadalajara). O obxectivo desta concentración do combinado estatal é o de preparar a EHF Championship o próximo verán.
O cadro dirixido por Álvarez traballará en dobre sesións diarias de adestramento para preparar o campionato europeo e o día 15 regresarán aos seus lugares e orixe.
Imanol Álvarez: “Temos que seguir insistindo con esta xeración”
En relación á concentración, o seleccionador declarou que “esta actividade chega dunha forma máis continuada que o habitual e está ben, temos que seguir insistindo con esta xeración e deixar as cousas claras de cara a este verán. Queremos preparar de forma idónea en cada concentración o EHF Championship“.
As compañeiras de Castro na convocatoria
A convocatoria do Equipo Nacional Junior conta cun total de 16 xogadoras, entre as que está Carme Castro:
- Elena Rodríguez (Handbol Sant Joan Despí)
- Lucía Alonso (Liberbank Gijón)
- Zaira Benítez (Elda Prestigio)
- Nerea Canas (Balonmano Sanse)
- Raquel Moré (Handbol Sant Vicenç)
- Julia Nuez (Handbol Sant Vincenç)
- Marta Ontiveros (Ikersa Urci Almería)
- Kenya Casia (iKasa Madrid Boadilla)
- Bárbara Piñeira (Rincón Fertilidad Málaga)
- Aileen Ripa (Gurpea Beti-Onak)
- Lydia Blanco (Uneatlántico Pereda)
- Elena Amores (Eida Prestigio)
- María Higuero (Balonmano Sanse)
- Carme Castro (Conservas Orbe Rubensa Porriño)
- María Zaldúa (Salud Tenerife)
- Naia Puigbó (Zubileta Evolution Zuazo).