Dúas xogadora do Dépor ABANCA atópanse concentradas coa Selección de Costa Rica: Stephannie Blanco e Noelia Bermúdez. As dúas xogadoras forman parte do equipo que está a preparar as eliinatorias mundialistas que arrincarán a finais deste ano, e que competiu nun amigable ante Guatemala o pasado domingo.
Neste encontro, Blanco formou parte do once titular do combinado ‘tico’, nun partido disputado na celebración do 100º aniversario da Federación Costarrincense de fútbol. A selección feminina volveu pisar a catedral do fútbol de Costa Rica despis de oito anos para festexar o centenario. A propia deportivista declarou a medios estar moi “emocionada” por poder formar parte da emocionante cita.
A defensora do Dépor ABANCA saiu de inicio no triunfo ‘tico’ (3-1) e foi relevada no trancurso da segunda metade por Fabiola Villalobos. Pola súa parte, Bermúdez non chegou a saltar ao terreo de xogo. O segundo amigable de Costa Rica ante Guatemala terá lugar este martes ás 10:00 horas (18:00 horas en España), desta vez no Complejo Deportivo Fedefútbol Plycem.
En España, as deportivistas Athenea del Castillo e Eva Dios atópanse concentradas coa Selección Española, a primeira delas coa absoluta e a segunda coa Sub-19.