Este domingo, 2 de maio, celebrouse en San Agustín de Guadalix (Madrid), o Campionato de España cadete e Esperanza (júnior) de Loita Sambo. A el acudiu Belén Ferreiro, única galega que competiu polo título estatal.
A deportista do Graíño Team colgouse o ouro na categoría de -50 kg en nivel júnior, derrotando na final á representante de Madrid. Ferreiro, adestrada por José Gacio, acudiu en compañía de Anderson Coton, quen tamén sumou un ouro ao club Graíño, pero na categoría cadete masculina.
Na clasificación por seleccións, Galicia coa Federación Galega de Loita (FEGALOITA), quedou en terceira posición.
Ver esta publicación en Instagram
