No puido ser. O Autos Cancela Zalaeta perdía nesta xornada co VP Madrid por 1-3. As coruñesas caían no primeiro set cun marcador de 25-27 e recibían un novo golpe no segundo cun 19-25. Tentaron a recuperación no terceiro que se adxudicaron por 25-19 e forzaron o cuarto. Nese definitivo set as madrileñas impoñíanse ao bloque que adestra Jorge Barrero por 17-25 rematando coas aspiracións das coruñesas de darlle a volta ao partido.
Era o primeiro partido do ano e tamén o primeiro da segunda volta. Infructuosa estrea deportiva para as coruñesas no Barrio das Flores.
Enfronte tiñan ás segundas clasificacas da Liga Feminina 2 de voleibol así que a derrota era unha posibilidade nos cálculos do Autos Cancela Zalaeta. Logo deste triunfo en terras galegas, as madrileñas son líderes cun partido menos que o Madrid Chamberí, segundas, que esta xornada descansan. O Autos Cancela Zalaeta é sexto con 19 puntos e descansa a vindeira xornada (o grupo é impar).
FICHA TÉCNICA
1) AUTOS CANCELA ZALAETA: Laura Vázquez (11), Andrea Rivas (11), Alba Quirós (8), Carmen Carvajal (11), Eleonora Guzzi (8) e Patri Santos (2). Líbero: Noa Sánchez – sexteto inicial – Tamén xogaron: Claudia Gómez (2), Carlota Vilariño (1), Carolina Rodríguez e Irene Yáñez.
3) VP MADRID: Monzón (18), Hernánde z(3), Nazaret (19), Gómez (10), Hopf (8) e Lacalle (7). Líbero: Díaz – sexteto inicial -. Tamén xogaron: Rubiera (2), Dobrinova (1) e Tejero.
PARCIAIS: 25-27, 19-25, 25-19 e 17-25. Estatísticas.
ÁRBITRO: Francisco Barallo Busto.
INCIDENCIAS: Partido da Superliga Feminina 2 correspondente á duodécima xornada disputado no Pavillón do Barrio das Flores na Coruña ante un cento de espectadoras.
