Coa fin da primeira volta nesta tempada da Superliga Feminina 2, as galegas do Autos Cancela Zalaeta descansan na quinta posición, ocupando unha praza na metade superior da táboa clasificatoria.
O conxunto, que para este curso mantivo a Jorge Barrero no banco como adestrador, leva cinco vitorias de tres puntos, unha de dous puntos e dúas derrotas dun punto nos dez partidos disputados nos pasados meses.
O Zalaeta acumula así 19 puntos, apretando a zona alta da clasificación. Con este casilleiro, empatan co Extremadura Badajoz (sexto clasificado), e quedan a un punto do Extremadura Arroyo e o La Laguna (cuarto e terceiro respectivamente), a tres puntos do segundo clasificado, o VP Madrid e a cinco do Madrid Chamberí, líder do grupo.
Campioas en ataque
As xogadoras do Zalaeta destacan no apartado anotador. Cun total de 24 sets a favor, son o terceiro equipo con mellor balance, só por detrás dos dous primeiros clasificados, o VP Madrid e o Madrid Chamberí, ambos con 26 mangas ao seu favor.
No relativo aos puntos, as coruñesas son o equipo máis anotador, acadando a cifra de 904 puntos a favor nas dez xornadas que se celebraron na SF2.
Os nomes propios do Zalaeta
Entre o plantel que adestra Jorge Barrero, algunhas das xogadoras que xa destacaban na pasada campaña seguen sendo pezas claves do xogo do Zalaeta. A máxima anotadora do club é Alba Quirós, quen roza xa os 200 puntos nesta tempada, cunha medai de 4,5 puntos por set.
Quirós é, ademais, a mellor sacadora. Catro dos nove puntos que conseguiu o seu equipo no último partido, ante o Extremadura Arroyo, foron obra da catro herculina. Entre as atacantes, sobresáe Irene Yañez, cunha eficacia do 40% nos encontros. Como bloqueadora, Eleonora Guzzi é a mellor entre as galegas, mentres que Noa Sánchez perfílase como a mellor receptora.
