Derbi galego na Primeira Nacional do fútbol. O líder Viajes Interrías visita a un Atlético Arousana no farolillo vermello. As de Treviño buscarán unha vitoria a domicilio para seguir coa súa boa dinámica e no máis alto da táboa. As amarelas, de conseguir un bo resultado, acadarían unha inxección de moral para saír dos postos comprometidos. Ás 12:00 o Municipal de Vilaxoán vivirá un gran derbi entre dous conxuntos con diferentes obxectivos.
O adestrador das amarelas, Mocho destacou na previa que “é certo que estamos pasando por unha situación moi complicada en canto a puntos. O Viajes Interrías é o líder e está a outro nivel. Nós temos que tentar puntuar e non podemos renunciar a ningún partido”.
Moncho, adestrador do Atlético Arousana: “O Interrías é o líder e está a outro nivel. Nós temos que tentar puntuar e non podemos renunciar a puntuar en ningún partido”.
O Arousana non pasa polo seu mellor momento en canto a resultados, pero Moncho é positivo co futuro do club: “O ánimo das xogadoras e bastante bo e están entrenando moi ben. Conseguir algo positivo ante o líder sería unha gran inxección de moral. Queremos consolidar en puntos tanto o xogo como o traballo feito.
Moncho, adestrador do Atlético Arousana: “Conseguir algo positivo ante o líder sería unha gran inxección de moral. Queremos consolidar en puntos tanto o xogo como o traballo feito”.
As amarelas Bárbara Caamaño e Bárbara Serra veñen arrastrando problemas físicos desde a semana pasada e ata última hora non se sabrá se están dispoñibles para o encontro.
Atlético Arousana, un grande a pesar dos resultados
O adestrador do Viajes Interrías falou do potencial do seu rival, un veterano da categoría, que a pesar dos seus resultados da primeira volta sempre é un rival complicado, e máis no seu campo: “Afrontamos o partido con moito respecto. O Atlético Arousana non é un pechacancelas ao uso. É un equipo cun potencial alto e cun nome dentro da categoría. É un equipo con virtudes e que se non afrontamos o partido coa máxima atención pódenos poñer en problemas.
Luis Treviño, adestrador do Viajes Interrías: “O Atlético Arousana non é un pechacancelas ao uso. É un equipo cun potencial alto e cun nome dentro da categoría”.
O líder pasou por unha semana complicada xa que non puideron adestrar todo o deseado por mor do temporal. Polo lado positivo, chegan ao partido sen baixas e buscaran gañar para seguir no máis alto da Liga. “Queremos gañar o domingo para seguir nesta dinámica e seguir como líderes. Afrontamos o partido coas alarmas postas e o máximo respeto ante un gran rival”, aclarou o míster Treviño na previa.
Luis Treviño, adestrador do Viajes Interrías: “Queremos gañar o domingo para seguir nesta dinámica e seguir como líderes. Afrontamos o partido coas alarmas postas e o máximo respeto ante un gran rival”.
