Semana máxica, como ben ela define, a vivida por Athenea del Castillo tras converterse na primeira xogadora do Dépor ABANCA en debutar coa Selección Absoluta, seguindo os pasos de ilustres nomes do antigo Karbo como Inma Castañón.
“É imposible describir con palabras o que supuxo para min este momento. Íame o corazón a mil no momento que estaba a piques de saltar ao terreo de xogo; pero unha vez estás no campo tan só pensas en dalo todo e vivir o momento ao máximo”, comentaba a xogadora cántabra hoxe en rolda de prensa.
Athenea del Castillo, futbolista internacional: “É imposible describir con palabras o que supuxo para min o momento de debutar coa Selección Absoluta. Íame o corazón a mil no momento que estaba a piques de saltar ao terreo de xogo; pero unha vez estás no campo tan só pensas en dalo todo e vivir o momento ao máximo”
“O Dépor apostou por min desde o principio e creo que o estou a recompensar, por así dicilo, con momentos como este. Foi un soño cumprido desde pequeniña”, subliñaba a ‘nove‘ branquiazul.
E como soño que era, a propia xogadora non daba crédito a que estivera acontecendo de verdade. A futbolista do conxunto coruñés enterouse da convocatoria “ás 9:30 da noite tras a chamada do noso director técnico, Pablete, para dicirme que ía substituír a Lucía García na lista”. A deportivista confesaba ante os medios, como anécdota, que ela “non acababa de crelo, e mesmo tivo que acudir Pablo á miña casa para dicirmo en persoa. Logo chamei aos meus para dicirllo e xa podedes imaxinar, unha ledicia tremenda”, conclúe Athenea.
Unha chamada da Selección Absoluta que vén de refrendar o bo momento de forma da atacante cántabra no seu club, o Dépor ABANCA, que nestes tres primeiros partidos non foi quen de acadar nin un punto, pero sí deixou moi boas sensacións no verde. “Este equipo ten moito que dar; non comezamos con bo pé pero imos a levantar esta situación porque temos equipo para facelo. O importante é corrixir erros e seguir traballando para acadar os resultados”, argumentaba Athenea.
Athenea del Castillo, ariete do Dépor ABANCA: “Este equipo ten moito que dar; non comezamos con bo pé pero imos a levantar esta situación porque temos equipo para facelo. O importante é corrixir erros e seguir traballando para acadar os resultados”
O Dépor ABANCA afronta o seguinte partido de Liga Iberdrola na casa, na cidade deportiva de Abegondo, contra o Santa Teresa de Badaxoz, e para esta desputa Athenea vé “moi ben ao vestiario. Fúmonos fastidiadas tras o partido contra o Espanyol. Esta semana non puiden adestrar co equipo pero cónstame que o equipo traballou ben e temos que seguir coa cabeza alta, sempre”, afirmaba. “Temos a mesma fe que o primeiro día”, conclúe a xogadora cántabra.
A mala racha, mellor agora que máis adiante
Athenea del Castillo valoraba a situación actual de As Nosas deportivistas recalcando a importancia de “seguir traballando para que os resultados cheguen”, e matizaba que “o fútbol son malas e boas rachas. Seguiremos dándoo todo para acurtar esta mala tendencia, pero co plantel que temos de seguro que virá máis pronto que tarde’, apuntaba del Castillo, quen a título individual di “sentirse nun momento óptimo de forma, e tremendamente integrada na cidade, variables que axudan tanto individual como colectivamente”.
Athenea del Castillo, xogadora do RC Deportivo ABANCA: “Síntome nun momento óptimo de forma, e tremendamente integrada na cidade, variables que axudan tanto individual como colectivamente”
Abegondo, un fortín
Falaba tamén Athenea na rolda de prensa desta mañá da posibilidade de que Abegondo acollese a entrada dun número limitado de siareiras e siareiros, algo que “todavía non nos comunicaron pero agardamos que así sexa”, dada a relevancia de “contar coa nosa xente”, porque “é un plus para nós e definitivamente xogar en Abegondo é como xogar con 12 e fánnos as cousas moito máis doadas”, sinalaba.
Athenea del Castillo, dianteira deportivista preguntada polo pulo que da o público na bancada da cancha branquiazul: “É un plus para nós e definitivamente xogar en Abegondo é como xogar con 12 e fánnos as cousas moito máis doadas”
Ante o compromiso contra o Santa Teresa desta fin de semana, Athenea recalcou que “se vai decidir por quen cometa menos erros e teña máis acerto na área rival”.
Vivimos unha tempada anómala
A ‘nove‘ do conxunto branquiazul tamén sinalou o “atípico” desta nova tempada 2020 – 2021 debido á incidencia da pandemia de COVID-19 en todo o país. A chegada do coronavirus foi algo que supuxo un quebradeiro de cabeza para a preparación físico – táctica de moitos conxuntos da Liga Iberdrola. Tamén para o conxunto coruñés.
Nese sentido, Athenea quixo “agradecer ao corpo médico, fisios e traballadores do club en xeral as facilidades que nos puxeron para chegar ao comezo da competición do mellor xeito posible”, e aínda que están acostumadas ao traballo físico durante a o confinamento ao que se someteu á poboación, “bótase en falta a dinámica de traballar no campo”.
Athenea del Castillo, dianteira deportivista, salienta o traballo do equipo médico do club durante o confinamento pola COVID: “Aínda que no confinamento botábase en falta a dinámica de traballar no campo, quero agradecer ao corpo médico, fisios e traballadores do club en xeral as facilidades que nos puxeron para chegar ao comezo da competición do mellor xeito posible”
Un gran grupo humano na Selección
A noticia da convocatoria de Athenea del Castillo coa Selección Absoluta causou moito impacto, sobre todo na propia xogadora, quen destacou “o tremendo grupo humano que hai aí dentro”, remarcando a gran acollida “por parte de todas. Fixéronme sentir unha máis”, e responde tamén á importancia do “Mundial sub-20 deste ano, onde agardamos facer as cousas ben e, porque non, traer a Copa para a casa”, sentenciaba Athenea del Castillo.
