A Federación Europea de Balonmán decidiu cancelar as catro roldas restantes da clasificación para o EHF EURO 2020 feminino. Que se establecerá segundo o ránking do EHF EURO. Deste xeito, as Guerreras que adestra Carlos Viver acceden ao Campionato de Europa 2020.
O Comité Executivo da EHF analizou a situación provocada pola pandemia do COVID-19 e decidiu cuestións deportivas para rematar a tempada 2019-20 do mellor xeito posible, segundo informa a RFEBM, así como sentar as bases para a campaña 2020-21.
A Selección Española de Balonmán, que conta regularmente con presenza de xogadoras galegas como Alicia Fernánez, Carmen Campos ou Estela Doiro, é subcampiona do mundo.
As rivais das Guerreras
O combinado estatal español competirá con Francia, Rusia, Países Baixos, Rumanía, Suecia, Hungría, Montenegro, Alemania, Serbia, Eslovenia, Polonia, República Checa e Croacia. O sorteo terá lugar o 18 de xuño en Viena.
