Un 14-11 ao descanso marcou un cruce entre a Selección de Hungría e a de España no Grupo B dos Xogos Olímpicos de Toquio 2021. Pese a aplicarse a conciencia no segundo período, as Guerreras que adestra Carlos Viver non foron quen de remontar e darlle a volta ao marcador. O partido rematou con vitoria das húngaras, que daban a sorpresa e vencían 29-25. E a galega Alicia Fernández, desta volta, non anotou.
O equipo de Carlos Viver pelexou ata o final, pero topouse con Blanca Bíró na meta húngara, tal e como relata a Real Federación Española de Balonmán. A porteira rival freou a reacción das Guerreras no tramo final do partido. Comezou España cun 3:0 en contra en apenas tres minutos, en inferioridade pola rigorosa exclusión Ainhoa Hernández no primeiro ataque húngaro.
,
Os dejamos con algunas imágenes del partido, por cortesía de @ihf_info
#⃣ #Tokyo2020 #ElCorazóndeEspaña #Guerreras pic.twitter.com/madpoPHzj2
— RFEBalonmano (@RFEBalonmano) July 31, 2021
Nun mal inicio, as Guerreras non foron capaces de atopar o seu mellor xogo, con chispazos individuais de Nerea Pena e Carmen Martín.
Bregando desde a defensa cunha destacada Eli Cesáreo, o combinado español freou o vendaval das rivais e empezou a asentarse sobre o 40×20. O equipo que adestra o técnico Carlos Viver, axexado polos lanzamentos das húngaras, sobre todo de Gréta Márton e Noémi Háfra, detivo ese empuxe grazas a varias intervencións da porteira Silvia Navarro e logrou recortar distancias no electrónico.
Con dificultades para aproveitar a superioridade numérica, o equipo español foi incapaz de achegarse a menos de tres goles de Hungría.
Desgañitábase a capitá Martín nos tempos mortos para insuflar ánimos ás súas, que lograron deixar o marcador 14:11 ao descanso tras unha gran defensa na última xogada, con parada de Silvia Navarro incluída. Tras a continuación, as Guerreras demostraron que o seu alcume non é casual.
Coa garra que pedía Carmen Martín ás súas compañeiras, España saíu a recortar distancias. Mentres Silvia Navarro salvaba os mobles baixo paus, o equipo empezaba a atopar a efectividade no lanzamento que botara en falta no primeiro tempo. Pero Hungría respondía, mantendo a distancia no marcador aproveitando a falta de precisión das españolas nas superioridades.
♀️ #GaliciaOlímpica #Balonmán
Hungría sorprende as ‘Guerreras’ de España (29-25). O equipo no que milita @aali_fernandez colleitou 2 triunfos e senllas derrotas e marcha 3º no Grupo B.
O seu seguinte reto será con Rusia o luns 2/8/21 ás 7:15 h no Estadio Yoyogi.
EFE pic.twitter.com/y1Wlw9YQjZ— fundaciondeportegalego (@fdeportegal) July 31, 2021
Cando mellor se atopaba España, en plena reacción, emerxeu unha colosal Blanka Bíró para aguantar o resultado, o que aproveitou o conxunto magiar para penalizar os erros das Guerreras, por medio dunha excelsa Petra Vámos. Aparecían Lara González e Jennifer Gutiérrez para manter viva a faísca das españolas en ataque, mentres as boas defensas volvían metelas no partido.
Un parcial de 3:0 e o ferrollo de Merche Castellanos fixo crer na remontada. España combinaba con eficacia nos extremos, con Carmen Martín como un estilete pola dereita.
Golpe a golpe, as Guerreras estreitaban a fenda que había no marcador electrónico do Estadio Yoyogi, pero o empate non acaba de chegar. Blanka Bíró seguíase interpoñendo nos plans españois e o empuxe das súas lograba frear o bo momento das xogadoras que preprara Carlos Viver (que ten ao seu lado no banco ao técnico do Atlético Guardés, José Ignacio Prades).
As Guerreras bateron contra Blanka Biró
Envorcadas as Guerreras no ataque, topáronse cunha interminable Blanka Bíró, que cernou todas as opcións do equipo español para recortar distancias.
Sen apenas opcións nos últimos minutos, as magiares alongaron os ataques e frearon as aspiracións das Guerreras, que loitaron ata o final.
Desta maneira, a clasificación para os cuartos de final decidirase na quinta e última xornada do grupo, na que España terá que se enfrontar ao Comité Olímpico Ruso (luns 2 de agosto, 7.15 h. española peninsular). Agora mesmo a Selección Española é a terceira clasificada no Grupo B, con dous partidos gañados e dous perdidos.
Ahora más juntas que nunca 🤜🏻🤛🏻
No, no ha sido un buen partido. No, no hemos sabido sacarle cara. No, no hemos podido darle la vuelta. No, no hemos jugado bien. Hay que hacer autocrítica Y reconocer que no HE/hemos hecho un buen trabajo. Pero se acabó el NO 😶
📸 @ihf.official pic.twitter.com/ayQDE2DVWR
— Nerea Pena (@nereitxu25) July 31, 2021
FICHA TÉCNICA
29) HUNGRÍA: Blanka Bíró (p), Szandra (2), Nadine Schatzl (-), Anett Kisfaludy (2), Greta Marton (5)
Petra Vamos (6), Katrin Gitta Klujber (6), Noemi Hafra (3), Reka Lukacs (1), Zsuzsana Tomori (2).
25) ESPAÑA: Merche Castellanos (p), Marta López (3), Carmen Martín (5), Eli Cesáreo (3), Jennifer Gutiérrez (5), Nerea Pena (2), Lara González (4), Soledad López (-), Alicia Fernández (-), Almudena Rodríguez (2), Ainhoa Hernández (1), Alexandrina Cabral (-), Mireya González (-) Silvia Navarro (p.s.)
PARCIAIS: (14-11) (15-14)
INCIDENCIAS: Partido correspondente á terceira xornada do Grupo B dos Xogos Olímpicos Tokyo 2020. disputado no Estadio Nacional de Yoyogi. A Selección Española sitúase, logo deste resultado en terceira posición. O seu seguinte rival será o Comité Olímpico Ruso o vindeiro luns 2 de agosto a partir das 7:15 hora española.
