A Copa Galicia de baloncesto femininbo está a piques de principiar. Esta competición súmase a outras moitas que están dando os seus primeiros pasos neste mes logo do amplo parón que o deporte galego tivo por mor da pandemia de COVID-19 que estamos a padecer.
Os conxuntos que disputarán esta competición son: AD Cortegada, Celta Baloncesto, CB Arxil, Baxi Ferrol, Rosalía Pío XII, Maristas Coruña e CB Ensino Lugo. A Copa Galicia xogarase en dous grupos.
Este sábado a partir das 19:30 horas no pavillón de Fontecarmoa a AD Cortegada e o Celta disputarán a primera xornada desta Copa Galicia. Ambos os dous conxuntos están encadrados no Grupo Sur.
O próximo martes no pavillón de Navia será el momento no que o CB Arxil faga o seu debut oficial na tempada 2020-21 enfrentándose ao Celta. O horario está aínda por determinar pero entre as horas que se barallan cobra forza as 20:00 horas. Xa o sábado 26 pechará esta primeira fase o CB Arxil en Pontevedra. O CB Arxil está adestrando no Multiusos pero agarda volver ao CGTD en breve.
No outro están o Baxi Ferrol, Rosalía Pío XII de Santiago e o Maristas Coruña.
O CB Ensino, vixente campión da Copa Galicia
O sistema de competición determina que os dous primeiros de cada grupo xogarán as semifinais e o conxunto gañador enfrontarase ao CB Ensino Lugo. O club lucense é o vixente campión da competición logo de vencer o pasado ano ao Celta Baloncesto Feminino na final.