Antonio Pernas, adestrador do Durán Maquinaria Ensino Lugo estaba contento co esforzo e o traballo do bloque que adestra diante do Casademont Zaragoza. As galegas tiveron a tiro o triunfo diante das cuartas clasificadas. De feito foron por diante no electrónico do Pazo na maior parte do tempo de xogo.
“Foi un bo partido”, aseguraba Antonio Pernas. Na opinión do adestrador do Durán Maquinaria Ensino o conxunto de Lugo tivo “un plan de partido perfecto, que nos permitiu ir por encima do marcador contra un dos primeiros clasificados. pero que non soubemos rematar nos dous últimos minutos. Igual tampouco no terceiro cuarto non fomos quen de aguantar defensivamente a vantaxe que tivemos. Ter bóla para gañar a falta de 17 seguntos é un meritazo. Doulles a noraboa ás xogadoras polo esforzo. Hai que estar contentas e seguir traballando”.
Consultado sobre se esta derrota podería minar a confianza do bloque de deportistas que adestra (que se coloca na 13ª posición na táboa da Liga Femenina Endesa), Antonio Pernas rexeitaba esa opción: “Non creo que a derrota mine ás xogadoras. Facemos o que temos que facer. É un tema de acerto. Teñen que entender que a pouco que subamos a porcentaxe de tiros podremos ganar”
Teñen por diante as galegas un calendario complicado: “Imos a Valencia e logo a Gran Canaria…”, lembraba o adestrador. O primeiro reto chegará a vindeira semana. O Durán Maquinaria Ensino visita ao Valencia CB. Será sábado 21 ás 19:15 horas no Pabellón Municipal Fuente San Luis de Valencia. O rival ocupa a segunda posición. Sepáranos oito puntos.
