O Durán Maquinaria Ensino Lugo perdía na casa 65-69 logo de ir por diante no electrónico na maior parte do seu choque contra do Casademont Zaragoza. O conxunto maño conseguía remontar o encontro na recta final do mesmo no que Mariona Ortíz foi a artífice da épica. De feito foi a xogadora con maior valoración (25) xunto coa súa compañeira Leonie Fiebich (25).
⏰ Final Final en el Pazo ‼️‼️‼️
Al final no pudo ser… enhorabuena por la victoria @CasademontZGZ un placer volver a veros @vegagimeno @HelenaOma @carloscantero_9
🏆 Jornada 17 #LFEndesa @EnsinoLugoCB 6️⃣5️⃣@CasademontZGZ 6️⃣9️⃣#VamosEnsino #ActitudRío pic.twitter.com/HQlkBQej79
— Ensino Lugo (@EnsinoLugoCB) January 14, 2023
Aínda que empezaron fortes as xogadoras de Carlos Cantero (ex adestrador do Ensino Lugo), o Durán Maquinaria Ensino foi quen de frear o explosivo arranque das mañas e adxudicáronse o primeiro cuarto por 17-16.
No segundo cuarto as galegas estiveron moi metidas no partido e fixeron un parcial de 23-14 colocando o choque ao descanso nun 40-30. Dez arriba para o equipo que prepara Antonio Pernas que miraba con esperanza o segundo acto.
O Ensino Lugo empeza a ceder terreo
Á volta de vestiarios empezaron os problemas para as lucenses. O Casademont Zaragoza foi máis intenso en defensa e máis agresivo en ataque do que o tiña sido ata ese punto do partido. Con esas melloras foron recurtando distancias aos poucos co Durán Maquinaria Ensino Lugo. De feito, chegaron a darlle a volta o marcador, pero a reacción das galegas fixo que o 11-19 que tivo como parcial ese terceiro asalto non supuxese que ao final do tempo as galegas non fosen por diante. Eso si, os dez puntos de vantaxe ao descanso quedaron reducidos a dous (51-49).
⏰ 6:49 del 4C en el Pazo ‼️‼️‼️
🏆 Jornada 17 #LFEndesa @EnsinoLugoCB 5️⃣9️⃣@CasademontZGZ 5️⃣3️⃣#VamosEnsino #ActitudRío pic.twitter.com/SuuE5xGLhR
— Ensino Lugo (@EnsinoLugoCB) January 14, 2023
O cuarto período foi a puntilla para as lucenses. Con Mariona Ortiz como gran protagonista, o Casademont Zaragoza botou man do carácter e saldou o cuarto cun 14-20 e leva o partido por un marcador de 65-69.
Tras esta 17ª xornada na Liga Femenina Endesa o Durán Maquinaria Ensino Lugo colócase na 13ª posición e o seu rival desta xornada é 4º. Na vindeira semana as galegas deben visitar ao Valencia CB o sábado 21 ás 19:15 horas no Pabellón Municipal Fuente San Luis de Valencia. Esta visita ás segundas clasificadas non chega nun bo momento para as galegas que precisan gañar para escalar postos e poñer distancia coa cola da táboa.
FICHA TÉCNICA
65) DURÁN MAQUINARIA ENSINO LUGO (17+23+11+14): Ane Olaeta (8), Alba Prieto (17), Paula Ginzo (13), Laura Aliaga (0), Margaret Roundtree (13) – quinteto inicial -. Tamén xogaron: Lorena Segura (-), Esther Castedo (6), Lydia Giomi (4) e María Martiañez (4).
69) CASADEMONT ZARAGOZA (16+14+19+20): Mariona Ortiz (10), Tate (7), Leonie Fiebich (16), Vega Gimeno (13), Geldof (7)- quinteto inicial -. Tamén xogaron: Carmen Grande (0), Lara González (0), Helena Oma (2), Gracia Alonso (2) e Gatling (12).
PARCIAIS: 17-16, 40-30, 51-49 e 65-69.
EQUIPO ARBITRAL: Paula Lema Parga, Juan Gabriel Carpallo Miguelez, Julio Rijo Muñoz. Sen xogadoras eliminadas.
INCIDENCIAS: Partido correspondente á xornada 17ª da Liga Femenina Endesa disputado no Pazo Provincial dos Deportes de Lugo.
