Semella que aló onde vai rodeaa a polémica. Máis aló das pistas de atletismo, Ana Peleteiro nunca tivo pelos na lingua e segue sen telos. Iso fai que, como figura pública que é, as declaracións da deportista galega alenten paixóns, ás veces a favor, ás veces en contra.
A última polémica da de Ribeira tivo lugar en Twitter. Alí o debate sobre o feito de que mercase un coche de alta gama tivo encendidos argumentos a favor en tamén en contra. Ela publicou un chío sobre a envexa e outro dicindo “adeus Twitter e boa fin de semana a todos” que foi entendido por moitas persoas como que Ana Peleteiro deixaba a red. Ela tivo que desmentilo. Esta mesma semana as súas declaracións explicando a súa ausencia no FID de León, tamén foron polémicas.
O chío que arrinca o debate foi este no que a atleta galega Ana Peleteiro aparece no interior do seu novo coche e di, simplemente “Hola Twitter”. Unha mensaxe tan escueta deu lugar a case 24.000 likes, máis de 1.300 rechíos e máis de 1.100 comentarios. Aí, nos comentarios, desatouse o debate entre quen pensaba que Ana Peleteiro, cos seus cartos, pode mercar o que lle veña en gana, e as persoas que consideraban a súa adquisición “un luxo excesivo”.
Hola Twitter ☺️ ✌🏾 pic.twitter.com/5os6kXuDnT
— ANA PELETEIRO BRIÓN (@apeleteirob) September 25, 2021
A resposta da deportista foi publicar unha foto coa súa medalla olímpica, sorrinte, e cunha mensaxe clara: “A envexa é a homenaxe que a mediocridade réndelle ao talento” (Jackson Brown)”.
“La envidia es el homenaje que la
mediocridad le rinde al talento.”
(Jackson Brown) pic.twitter.com/XbkPsJtm49— ANA PELETEIRO BRIÓN (@apeleteirob) September 25, 2021
Lonxe de minguar, o debate medrou. Desta volta o chío vai camiño dos 27.000 likes, ten máis de 5.300 rechíos e máis de 1.550 comentarios.
Ana Peleteiro tivo que explicar que non deixaba Twitter
O colofón foi cando a medallista olímpica en Tokyo 2020, Ana Peleteiro publicaba un novo chío no que parecía dicir adeus á rede social, é dicir, pechar a súa conta. O certo é que dixo adeus, pero en referencia á fin de semana como ela mesma explicaba diante dos comentarios pedíndolle que non marchara.
Adiós Twitter 💋✨ y buen fin de semana a TODOS 🤍
— ANA PELETEIRO BRIÓN (@apeleteirob) September 25, 2021
“Estádesvos rallando. Non teño deixado twitter”, confirmaba nunha nova publicación a triplista.
os estáis rayando, no he dejado twitter 🙃
— ANA PELETEIRO BRIÓN (@apeleteirob) September 26, 2021
E vós, considerades que é motivo de debate en que se gastan os atletas os cartos que acadan froito dos seus logros deportivos?
