A deportista galega Ana Peleteiro deixou claro o seu enfado coa organización do FID (‘Foro Internacional del Deporte Castilla y León’) nunha publicación na súa conta de Instagram que supera xa as 106.000 reproducións e nas que a atleta recibiu máis de 1.000 comentarios na inmensa maioría na súa defensa. A deportista asegura que desde a organización no se lle “respectou”.
Segundo explicaba Ana Peleteiro na súa conta de Instagram nun directo que logo colgou para que se poidese consultar posteriormente a súa versión do acontecido na capital leonesa, a deportista sostén que fai esa intervención para explicar “publicamente” o acontecido antes de outros tiren as súas propias conclusións.
Nada mais comenzar a súa alocución, Peleteiro explica que está “moi nerviosa”, detalla que tivo que conducir moitas horas e quilómetros e que quere explicarse diante das persoas que “pagaron para verme falar sobre valores e soños olímpicos e non puidéchedes gozar delo porque certas persoas o impediron”, asegura a deportista.
Ver esta publicación en Instagram
Segundo explica Ana Peleteiro, a organización pídelle “unha series de cousas que non estaba acordadas no contrato”. Detalla que tivo que atender a diferentes medios e que lle “puxeron un teléfono na orella cando estaba comendo para atender a unha radio”. A atleta sostén que tampouco tiña constancia doutros actos promocionais como a sinatura de autógrafos, pero que vai “sen chistar”.
O que semella rematar coa paciencia da deportista galega foi un novo malentendido, desta volta, na hora da conferencia. “Tiña que voltar a Guadalajara e chegaría sobre as dúas e media da mañá”. Ana Peleteiro explica que ao día seguinte tiña que adestrar polo que non era viable. Solicita falar menos tempo na charla e poder marchar antes, pero afirma que lle din que “por media hora non lles interesa así que podía marchar. E por iso marchei. Non se me respectou”, asegura a medallista olímpica en Tokyo 2020.
Peleteiro sostén que ten ido a compromisos extradeportivos con “diarrea, dor de ovarios, de cabeza, faringitis… É a primeira vez que me pasa isto na miña vida”, di no vídeo, visiblemente afectada, a galega Ana Peleteiro.
Na imaxe promocional do V Foro Internacional del Deporte Castilla y León (FID) pódese ver a Ana Peleteiro no centro. Co título “El Sueño Olímpico” na charla estaba previsto que falasen a haltera Lydia Valentín, a nadadora Teresa Perales, o tirador de esgrima José Luis Abajo «Pirri» e a atleta Ana Peleteiro. Todos eles medallistas olímpicos ou paralímpicos nas súas disciplinas.
Finalmente, a deportista de Ribeira non participou na charla tal e como explica nas súas redes. No momento de escribir esta información, no espazo de novas da páxina web do FID non figura ningún tipo de aclaración sobre o asunto por parte da organización da cita.
Nas redes da cita se pode ver como Peleteiro estivo participando en actos promocionais do FID como asegura a atleta.
Tampouco na foto final da conferencia, na que xa non está Peleteiro, se dá ningún tipo de información sobre a súa ausencia.
