Ana Peleteiro sube ao podio. A triplista galega conseguiu ser terceira na final do triplo salto feminino dos Xogos Olímpicos de Tokyo 2020. Durante a final a atleta de Ribeira bateu en dúas ocasións o récord de España absoluto da modalidade. Finalmente, o seu mellor salto foi de 14,87m e nesa lonxitude queda a mellor marca estatal.
Os seus saltos foron, por orde de execución os seguintes: 14,55m – 14,77m (récord de España) – 14,63m – 14,87m (récord de España) – 14,65m. Con estas marcas Ana Peleteiro acadaba a súa primeira medalla olímpica, nos seus primeiros Xogos.
😍 El momento en que @apeleteirob lograba una marca de 14.87, que supone el séptimo metal para España en #Tokyo2020. 🥉 #ElCorazónDeEspaña @atletismoRFEA pic.twitter.com/g1vVHMsdP4
— Comité Olímpico Español (@COE_es) August 1, 2021
A aperta de Yulimar Rojas e Ana Peleteiro
O triunfo no triplo salto foi para a compañeira de equipo de Ana Peleteiro, Yulimar Rojas. A venezolana volou por riba dos 15m en tres dos seus intentos. O seu mellor salto foi de 15,67m co que batía o récordo do mundo.
¡RÉCORD DEL MUNDO!
🥇Yulimar Rojas pic.twitter.com/4z7cufoERs
— Run4Fun (@_r4fun_) August 1, 2021
A aperta que Peleteiro e Rojas se deron logo dese hito amosa a grandeza do deporte e os valores do olimpismo. Fóra do foso, a amizade e a alegría polo éxito da túa compañeira de adestramentos coa que compartes xornada tras xornada dun ciclo olímpico o soño de chegar ao máis alto do podio.
🤩 Las primeras imágenes de nuestra flamante medallista, @apeleteirob.
¡No puede contener la emoción! 🤗#ElCorazónDeEspaña @atletismoRFEA pic.twitter.com/xMIhT8viJ0
— Comité Olímpico Español (@COE_es) August 1, 2021
E se o ouro foi para Yulimar Rojas, a prata foi para deportista portuguesa Patricia Mamona. A atleta lusa saltou unha soa vez por encima dos 15m pero abondou. O seu mellor intento foi o cuarto con 15,01m pero desde o seu primeiro salto xa se colocou detrás da campioa olímpica cunha marca 14,91m.
