A Primeira División de voleibol deixa un partido en casa e o outro fóra. O Aceites Abril volve a xogar na casa ante o Universidad de Salamanca e o CV Bruxas viaxa a Madrid para enfrontarse ao Alcorcón.
O CV Bruxas intentará alonxarse dos postos de descenso
Este fin de semana (o sábado 25 de xaneiro, ás 19.00 horas) o CV Bruxas viaxa a capital para enfrontarse o CUV Alcorcón no Polideportivo Los Cantos.
O equipo de Bertamiráns chega a cita na décima posición. Atópase a tan só sete puntos do seu rival. O pechacancelas da clasificación da Primeira División, o CUV Alcorcón.
Partido complicado xa que ambos equipos buscan sumar puntos para saír dos postos de descenso. Respecto as vitorias, o Bruxas gañou tres partidos sumando tres e as madrileñas tan só gañaron un e por dous puntos.
DATOS DE INTERESE
DÍA E HORA: 25 de xaneiro, ás 19.00 horas.
CAMPO: Polideportivo de Los Cantos – Alcorcón (Madrid).
INCIDENCIAS: Partido correspondente a xornada 14 da Primeira División de Voleibol no que enfrontará ao CUV Alcorcón contra o CV Bruxas no Polideportivo Los Cantos.
O Aceites Abril en busca dun novo triunfo en O Pompeo
O Aceites Abril afronta este domingo (26 de xaneiro, ás 11.30 horas) o cuarto partido da segunda volta da Primeira División Nacional de voleibol coa intención de conseguir unha nova vitoria. O seu rival, ó Universidad de Salamanca é propicio para seguir sumando puntos na clasificación.
O equipo ourensá ocupa a cuarta plaza da liga. Recupera para este partido a dúas das súas xogadoras, Xulia e Ania, e a varias compoñentes do equipo xuvenil que seguirán contando con minutos para o obxectivo de adquirir experiencia nesta categoría e ser os pilares para o equipo senior nas próximas tempadas.
Pablo Pérez terá as baixas de Rebeca Kruse, polo seu embarazado, as de Miriam e Lucía. Tamén para esta cita faltará Nuria Bouza debido a que hora centrarase na súa preparación para a temporada de volei prai onde é unha das mellores especialistas do panorama nacional.
As xogadoras salmantinas chegan o partido en O Pompeo en noveno lugar. Intentan fuxir dos postos perigosos. Esta cita afrontaranna como unha oportunidade para intentar seguir sumando puntos na clasificación e continuar un ano máis en esta competición nacional.
O Aceites Abril ocupa unha cómoda cuarta plaza na que a clasificación da liga. Adianta ao quinto clasificado en catro puntos polo que se pode decir que un ano máis teñen o obxectivo da permanencia máis que asegurado.
DATOS DE INTERESE
DÍA E HORA: 26 de xaneiro, ás 11.30 horas.
CAMPO: Polideportivo de O Pompeo – Ourense.
INCIDENCIAS: Partido correspondente a xornada 14 da Primeira División de Voleibol no que enfrontará ao Aceites Abril CVO contra o Universidad de Salamanca no Polideportivo de O Pompeo.
