Na Primeira División de voleibol os dous equipos galegos acadaron a vitoria este fin de semana. O Aceites Abril fóra da casa vence por un contundente 3 a 0 ó Badaxoz. Aquí, concretamente en Bertamiráns, o C.V. Bruxas acada dous puntos ante o Universidad de Valladolid (3-2).
O Aceites Abril conquista terras extremeñas
O equipo ourensá deu a sorpresa en Extremadura e conseguiu unha gran vitoria fronte a un dos equipos que estaban máis en forma da competición, o Voleibol Pacense, despregando un bo xogo de conxunto no que brilló tanto en ataque como en defensa.
O partido disputouse no polideportivo Juancho Pérez de Badaxoz dentro da décima quinta xornada da Primeira División Nacional de Voleibol Feminino na que o Aceites Abril ocupa agora unha sensacional cuarta plaza e volve a superar na tabla o equipo extremeño e a La Curtidora de Asturias.
O dominio ourensá estivo presente desde o comezo con apenas erros no saque e na recepción e cunha distribución no xogo da colocadora Patri que facía que o ataque funcionase a perfección. O Aceites Abril sempre foi por diante no primeiro set e esta acabou cun claro 18 a 25.
O segundo set foi equilibrado no electronico ao inicio ata o 7 a 7 pero unha boa racha no saque de Ana Belén puso terra de por medio no marcador que o equipo soubo admininstrar con moita maestría. Ana Belén, Gladys e Miriam poñían a contundencia no ataque ourensá e volvían a deixar unha diferenza firmando de novo un 18 a 25.
O terceiro e definitivo set comezou cun dominio absoluto das locais que parecían volver a entrar no partido poñendo un 10 a 6. Isto obligou a Pablo Pérez a solicitar un tempo morto. Neste momento, unha vez máis, Ana Belén ao saque do Aceites Abril encadeaba oito puntos seguidos e volvía a tomar o mando con accións espectaculares tanto no ataque como na defensa conseguindo un tanteo final de 19 a 25 que pechaba un gran partido por parte do equipo ourensá.
A próxima semana o Aceites Abril recibirá en O Pompeo ó Voleibol Bruxas de Bertamiráns, no derbi galego da categoría. Será unha gran oportunidade para manterse nesta gran racha de xogo e resultados que levan as de Ourense nesta liga nacional.
FICHA TÉCNICA
PARCIAIS: 18-25, 18-25, 19-25 (0-3)
INCIDENCIAS: Partido correspondente a xornada 15 da Primeira División de voleibol feminino no que se enfrontou o Voleibol Pacense co Aceites Abril no polideportivo Juancho Pérez de Badaxoz.
O Bruxas acada dous puntos na casa
O C.V. Bruxas consegue unha vitoria importante no pavillón municipal de Bertamiráns ante o Universidad de Valladolid por un 3 a 2. Nos parciais predominou o conxunto local cunhas boas accións en ataque e en defensa. Pero as rivais, as vallisoletanas, non se quedaban moi por detrás e conseguiron o terceiro set. As de Ames distáncianse en dous puntos do Valladolid e sitúase a seis punto do descenso. A vindeira semana disputarán en Ourense o derbi galego da competición ante o Aceites Abril.
FICHA TÉCNICA
PARCIAIS: 22-25, 25-13, 22-25, 25-21, 15-6 (3-2)
INCIDENCIAS: Partido correspondente a xornada 15 da Primeira División de voleibol feminino no que se enfrontou o Club Voleibol Bruxas co Universidad de Valladolid no pavillón municipal de Bertamiráns, en Ames.
