A galega Teresa Abelleira é unha das xogadoras convocadas por Jorge Vilda para os dous próximos encontros de clasificación para o Mundial de 2023, segundo informa a Federación Galega de Fútbol.
O técnico do equipo feminino absoluto español anunciou este martes a convocatoria definitiva para estes dous envites decisivos para esta clasificación mundialista. Entre as elixidas, nomes coñecidos no fútbol galego como Misa Rodríguez ou Athenea del Castillo, ambas ex xogadoras do Dépor ABANCA.
España medirase a Illas Feroe e Escocia dentro da Fase de Clasificación para a Copa Mundial de 2023 que se xogará en Australia e Nova Zelandia. Os partidos disputaranse no estadio de La Cartuja os días 25 e 30 de novembro ás 21:00 horas.
🎙️ Jorge Vilda: “@teresabelleira es una jugadora de gran calidad. Es difícil ver centrocampistas con ese entendimiento de juego”.#JugarLucharYGanar pic.twitter.com/1ta7ZnZUCE
— Selección Española Femenina de Fútbol (@SeFutbolFem) November 16, 2021
A convocatoria de Jorge Vilda para o clasificatorio do Mundial
Ademais da galega e exdeportivista Tere Abelleira, o preparador estatal conta con outras 22 xogadoras á súa disposición:
PORTEIRAS:
- Sandra Paños
- Lola Gallardo
- Misa Rodríguez
DEFENSAS:
- Irene Paredes
- María León
- Andrea Pereira
- Ivana Andrés
- Ona Batlle
- Leila Ouahabi
- Olga Carmona
CENTROCAMPISTAS:
- Alexia Putellas
- Patri Guijarro
- Aitana Bonmatí
- Anna Torrodà
- Teresa Abelleira
- Irene Guerrero
DIANTEIRAS:
- Jennifer Hermoso
- Esther González
- Mariona Caldentey
- Alba Redondo
- Nerea Eizagirre
- Amaiu Sarriegi
- Athenea del Castillo
