A Primeira División Galega Feminina de fútbol arrincará oficialmente a fin de semana do 27-28 de marzo coa disputa da primeira xornada de liga, segundo informa a Real Federación Galega de Fútbol.
Neste novo formato de competición exprés, que segue o modelo implantado pola RFGF coas outras competicións dada a situación sanitaria actual, participarán un total de 16 equipos divididos en tres grupos: A (6 equipos), B (5 equipos) e C (5 equipos).
A competición terá ascensos, pero non descensos e se realizará en formato exprés de entre 10-16 semanas e haberá control de contaxios de COVID-19 a través da realización de test cada 14 días.
A composición dos devanditos grupos é a seguinte:
GRUPO A:
- Victoria CF B
- SD O Val
- PM Friol B
- Orzán SD
- Betanzos CF A
- CD Lugo
GRUPO B:
- SD Xuventú Aguiño
- Antas SD
- EFM Concello de Boiro
- SD Villestro
- Victoria FC B
GRUPO C:
- CP Alertanavia
- Arcadia EF
- CD Valladares B
- Sárdoma CF B
- Atlántida Matamá
Todos os equipos de cada grupo disputarán unha primeira fase que consta de 10 xornadas e na que se enfrontarán entre si a dobre volta. Esta primeira fase rematará, se a situación sanitaria o permite, a última fin de semana do mes de maio.
Os dous primeiros clasificados de cada subgrupo clasificaranse para a fase de ascenso, na que se dividirán en dous grupos de tres equipos.
Os dous mellores de cada grupo xogarán a fase final polo ascenso, acadando ese obxectivo de chegar á Primeira Nacional Feminina o equipo campión.
Pódese consultar o formato de competición desta nova Primeira División Galega Feminina premendo na seguinte ligazón que fala do formato de competición. Por outro lado, toda a información relativa a esta competición pódese consultar nesta circular da RFGF. Tamén xa están publicados na web da RFGF os calendarios de competición da primeira fase de cada un dos subgrupos.
O protocolo Fisicovid-DxtGalego aplicarase na 1ª División
Como xa adiantara a federación o Protocolo FISICOVID-DXTGALEGO de la RFGF para esta categoría obriga á realización de proba COVID-19 cada 14 días como medida de protección diante da transmisión do virus da COVID-19 para todas as persoas intervintes na Liga 1ª División Liga Gallega Femenina tanto en adestramentos coma nos partidos.
