O programa Mujeres en Rugby da Federación Española de Rugby segue en marcha coa celebración dos Campionatos de España M14 e M16. Ata 32 xogadoras galegas tiveron a oportunidade de formar parte desta primeira edición do torneo, representando ao Asterix Viveiro, CRAT, Lalín, Os Ingleses, Valentes, Muralla, Ferrol, Vigo e Fendetestas.
A iniciativa pretende reter ás xogadoras máis xoves no deporte oval e, en concreto, esta competición naceu co reto de iniciar a competición feminina na etapa de rugby base, cunha nova modalidade que permitira combinar elementos técnicos e tácticos, sen deixar de lado o aspecto lúdico do deporte e a parte saudable.
Nesta primeira edición, participaron un total de nove federacións territoriais, con 270 xogadoras pertencentes a 29 clubs distintos. As galegas foron o cuarto grupo máis representado, superando a treintena de competidoras. A Comunidad de Madrid foi a que máis deportistas aportou, cun total de 45 de sete equipos, seguida de Andalucía, con 42 de cinco equipos e Cataluña, con 40 xogadoras de tres clubs. Tamén viaxaron deportistas de Asturias e a Comunidade Valenciana, así como Castela e León e Aragón.
Ademais, as galegas do Vigo Rugby Club proclamáronse campioas M16.
Aprendendo o rugby
A competición na que participaron as galegas consistiu en sete obradoiros nos que as participantes mostran as destrezas técnicas e tácticas necesarias para a práctica do deporte o val, e nos uqe cada equipo intenta conseguir a máxima puntuación. O obxectivo da Área de Desarrollo de la FER é reunir ano tras ano o maior númeor de clubs e xoves xogadoras de todas as rexións de España.
A propia FER agradece o apoio recibido pola Subdirección de Mujer y Deporte do Consejo Superior de Deportes á hora de crear o Campionato M14 e M16, que permite a moitas xogadoras facer realidade o seu soño de xogar ao rugby nunhas idades nas que, ata agora, era máis complicado.
