Dúas árbitras están a preparar o seu ascenso á máxima categoría, a Primera Iberdrola. A colexiada Beatriz Torres e a árbitra asistente Iris Romero superaron as probas físicas realizadas no campo da USC en Santiago de Compostela como parte da segunda xornada do Programa de Talentos e Mentores.
As xuízas seguiron o programa de selección e control físico-técnico para a promoción de categoría organizado polo CTA Nacional, que por prevención COVID realízase en cada un dos comités territoriais. Xunto a Torres, outros catro colexiados realizaron seis series de velocidade de 40 metros e o test Yo-Yo intermitente, mentres que Romero e outro árbitro asistente realizaron cinco series de 30 metros e o test de Resistencia intermitente ARIET.
Segundo informa a Real Federación Galega de Fútbol (Futgal), os controis técnicos realizáronse durante a mañá do sábado na sede federativa de Santiago de Compostela. As árbitras realizaron unha proba de redacción de actas, un exame técnico sobre as regras de xogo, a normativa da RFEF e xogadas en vídeo, unha proba de inglés e unha de psicoloxía. Pola súa banda, as asistentes realizaron os mesmo controis agás a redacción de actas.
O coordinador do CTA Nacional Marco Antonio Santurio Martínez foi o encargado de supervisar tanto os controis físicos como os técnicos das árbitras. O presidente do CTGAF Bernardino González Vázquez acompañou aos aspirantes ao ascenso durante ambas xornadas.
