Bueu converteuse no escenario do Campionato Galego de Grupos Grandes e Pequenos de patinaxe, onde o CPA Valladares e o CPA Gondomar proclamáronse campións.
O torneo foi organizado pola Federación Galega de Patinaxe e polo Club Anfora, que retransmitirón en directo a través das canles oficiais da Federación.
Aquí podes ver a actuación do CP Gondomar que lle valeu o campionato. A súa coreografía representan unha escena no Hospital Sant Mary de onde unha doente tenta escapar. Deixámosvos aquí o seu programa.
O Valladares coróase no Grupos Show Grandes
O campionato dividiuse en dúas competicións, sendo a primeira delas o Grupos Show Grandes. Nela, a primeira posición foi para o CPA Valladares, campión do torneo galego.
Na segunda posición quedou o Colgados Carpa Viqueira e completou o podio o ESGOS 1844 CP Ribeira. Tamén participaron nesta categoría CPA Ribex, o Reina de Corazones Patín Porriño, o Ánfora PA, o CD Fontiñas e o CPA Soutomaior.
O Gondomar proclámase campión do Grupos Show Pequenos
Pola outra banda, o ouro no Grupos Show Pequenos foi para o CPA Gondomar, campión da proba. A prata quedou para o Adicción Ánfora PA e o bronce foi para o CPA Condado.
Nesta categoría tamén competiron o CP Campus Stellae, o CP Alquimia, o CPA Omega Ames, o Patín Axel, o CPA Brincadeira e o Patiart Coristanco.
REVIVE O CAMPIONATO GALEGO DE GRUPOS DE PATINAXE ARTÍSTICA