Teresa Portela volve facer historia. “Ola, París 2024!” publicaba nas súas redes a padexeira galega que se amosaba feliz de seguir sumando Xogos Olímpicos e medallas á súa carreira.
Salvo que unha lesión o impida, sumará a súa sétima participación nuns Xogos Olímpicos. Teresa Portela é unha lenda viva (e moi viva) do noso piragüismo. A súa traxectoria deportiva é brillante en duración e méritos.
Xunto coa tamén galega Carolina García, a asturiana Sara Ouzande e a estremeña Estefanía Fernández, Teresa Portela ven de conseguir no K4 feminino o bronce na distancia de 500 metros no Campionato do Mundo de Sprint Olímpico (piragüismo) que se está a celebrar en Duisburgo.
Ver esta publicación en Instagram
Segundo informa a Real Federación Española de Piragüismo, o “K4 500 feminino accedeu con autoridade á final de maneira directa tras unha regata de moito nivel da embarcación liderada por Portela. Sara Ouzande, Estefanía Fernández e Carolina García acompañaron á lenda española no camiño para bater aos seus rivais e coarse na gran final”. “Loitamos e fixémolo moi ben”, aseguraba Portela ao termo da proba e antes da final.
Xa na final dos 500 metros, o K4 feminino español conseguía a medalla de bronce e ratificaba o seu posto nos Xogos Olímpicos de París 2024.
O podio estivo conformado polas embarcacións de Nueva Zelanda, en primeiro lugar, que levou o ouro cun tempo de 1:30.606, Polonia que acadaba a prata cun crono de 1:31.320. España cruzaba a meta cando o reloxo marcaba 1:31.955. Una axustadísima e loitada final na que España sempre estivo nos postos de cabeza.
Ver esta publicación en Instagram