Persoal sanitario nun ano de pandemia mundial pola COVID-19 e triatleta paralímpica. Dúas actividades que fan de Susana Rodríguez Gacio unha das novas protagonistas da portada da prestixiosa revista Time.
O medio norteamericano adica á doutora galega e outros deportistas unhas páxinas dentro dunha reportaxe sobre persoal sanitario que participará nos Xogos Olímpicos e Paralímpicos deste verán.
Ademais da viguesa, a peza inclúe a Jo Brigden-Jones (kayakista e paramédico), Elena Galiabovitch (tiradora olímpica e médico), Rachael Lynch (porteira de hoquei herba e enfermeira), Paula Pareto (judoka e médico) e Gabby Thomas (atleta e epidemióloga).
Time explica como unha pequena Susana Rodríguez, malia o seu albinismo e os problemas de visión derivados deste, quería facer o mismo que a súa irmá, Patricia, e conseguía sobrepoñerse a calquer obstáculo.
O deporte como medicina
O artigo continúa repasando a carreira da deportista, triatleta e doutoura, que pasou os meses máis duros da pandemia traballando no Hospital de Santiago. Rodríguez atendía nas liñas telefónicas as consultas sobre o coronavirus, á vez que axudaba na rehabilitación daqueles pacientes que sufrían as consecuencias da enfermidade.
Ao mesmo tempo, a galega non deixou de adestrar, coa mente posta na cita de Toquio, adiada un ano pola COVID-19. “Penso que o deporte axudoume a ser capaz de recuperarme e volver afrontar ao día seguinte o traballo”, recoñece a triatleta á revista.
Susana Rodríguez (@SuRGAcio) has albinism and has been blind since birth, but that hasn’t stopped her from breaking barriers and becoming a Paralympian and doctor https://t.co/5dZfmYRGw8 pic.twitter.com/mpIND9bxbM
— TIME (@TIME) July 8, 2021
Estes non serán os primeiros Xogos da viguesa, que xa estivo presente no 2016. Porén, desta vez non haberá público nas bancadas, e a competición estará condicionada polas medidas COVID.
Susana Rodríguez: “A saúde é a cousa máis importante”
“O que pasamos este ano fixo que me decatara máis de que a saúde é a cousa máis importante, tanto para os individuos como para o colectivo. Se non tes saúde, todo o demais é aire”, afirma a deportista.
Deportista todoterreo
En Time, Susana Rodríguez recalca como a disciplina e a constancia son as claves tras o seu éxito, nun camiño que comezou aos 10 anos, cando tomou a decisión de ser atleta. Desde entón, suma 27 vitorias en competicións internacionais, incluíndo tres campionatos do mundo, e dúas medallas de ouro no pasado mes de xuño.
Susana Rodríguez álzase co ouro na Copa do Mundo de Paratríatlon
Cos Xogos Paralímpicos á volta da esquina, Susana Rodríguez podería convertirse na primeira atleta española den competir en dúas categorías distintas, de confirmar a súa participación nos 1.500 metros, ademais da proba de tríatlon.
O día a día para Susana Rodríguez, portada para Times
A propia triatleta compartía en redes a portada, declarando que “algo tan simple como a miña vida diaria sorprendeu a Time… O deporte paralímpico e medicina xuntas en tempos de pandemia… lévanme á portada. Grazas. Agora tempo para Toquio!”
Something as simple as my daily life surprised @TIME… Paralympic sports and medicine together at pandemic times… leaded me to the front cover… Thank you. Now TIME for Tokio! pic.twitter.com/KDGEQEazfZ
— Susana Rguez. Gacio (@SuRGAcio) July 8, 2021
