O público non poderá acceder aos recintos onde se disputen os Xogos Olímpicos de Toquio 2021. Así o anunciou a ministra a cargo dos mesmo, Tamyo Marukawa, en vista da evolución da pandemia de COVID-19 en Xapón.
A falta de dúas semanas para o inicio das competicións olímpicas, a organización do gran evento do verán tomou a decisión de levar a cabo esta medida, segundo informan medios como a Cadena Ser e axencias como Reuters.
O país nipón declarou o estado de emerxencia ante o avance da pandemia, que da comezo este luns, 12 de xullo, e durará ata o 22 de agosto, unha vez os Xogos Olímpicos xa estean finalizados, pero a dous días do comezo dos Paralímpicos.
A capital de Xapón rexistrou este mércores 920 casos de COVID-19, a maior cifra desde mediados de maio, e cunha tendencia ascendente e co rápido avance da variante delta.
